„წითელი ინტელიგენციის ნაწილმა გადაწყვიტა, რომ „რუსთავი 2“-ის საქმე უკვე წასულია და ძირითადად ჩემზე და „ნაციონალურ მოძრაობაზე“ თავდასხმით დაკავდნენ“, - ამის შესახებ საქართველოს პრეზიდენტმა მიხეილ სააკაშვილმა „ნაციონალური მოძრაობის“ ქალთა ყრილობაზე სიტყვით გამოსვლისას განაცხადა.

”ამ დღეებში გამოჩნდა, წითელი ინტელიგენციის შედარებით ახალგაზრდა თაობის ერთმა ნაწილმა გადაწყვიტა, რომ „რუსთავი 2“-ის საქმე უკვე წასულია და ძირითადად დაკავდნენ ჩემზე და „ნაციონალურ მოძრაობაზე“ თავდასხმით. გალაკტიონის და ვაჟას სამშობლოში რატომთაც ლაშა ბუღაძემ გადაწყვიტა რომ პოეტია, ყველას შეუძლია იყოს, მართალი გითხრათ მაგის დაწერილი მაინცდამაინც არაფერი მახსოვს, არადა პოეზია ძალიან მიყვარს, მაგრამ ბევრი საშინელი ნათქვამი მისი და მისთანების მახსოვს. მახსოვს ისიც, რომ გადამწყვეტ მომენტებში ყოველთვის გვერდს უგანის ჩვენს ქვეყანას. ყველაფერს უნდა დაერქვას თავისი სახელი. უნდა დაერქვას თავისი სახლი იმ კუთხით, რომ როდესაც საუბარია, გადამწყვეტ მომენტებში ერთად უნდა დავდგეთ, ყველაფრის გადმობრალება იმ ხალხისთვის, ვინც შექმნა ქართული სახელმწიფო, როცა შენ არაფერი შეგიქმნია, არის ამორალურობა, აბსოლუტურად არასწორი და უზნეო საქციელი. არც გამიკვირდა, თამარ მეფის გმობით დაიწყო კარიერა და მე რომ მგმობდეს ამაში გასაკვირი არაფერი არ არის. უბრალოდ, პრობლემა სხვა რაღაცაშია. პრობლემა არის იმაში, რომ ამ ხალხმა ბოლომდე ვერ გაითავისა, რა საფრთხის წინაშე დგას ჩვენი ქვეყანა. ჩვენ შევქმენით ქართული სახელმწიფო, რომელსაც ყველა პოსტსაბჭოთა სახელმწიფო და აღმოსავლეთ ევროპა შენატრის“, - განაცხადა მიხეილ სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა