სპარლამენტო უმრავლესობის წევრი გია ვოლსკი „ექსპრესნიუსთან“ „რუსთავი2“-ის ირგვლივ განვითარებულ მოვლენებზე საუბრობს.

გია ვოლსკის შეფასებით, პროცესი მშვიდობიანად უნდა დასრულდეს და ძალიან დიდი მნიშვნელობა აქვს საზოგადოების სწორად ინფორმირებას.  დეპუტატის აზრით, მიმდინარე პროცესებში პოლიტიკური პარტიების ჩართულობა  ემსახურება მხოლოდ ერთ მიზანს-შექმნილი ვითარებიდან პოლიტიკური დივიდენდი მიიღონ. გია ვოლსკის თქმით,  სახეზეა  „რუსთავი2“-თან დაკავშირებით ორ კერძო სუბიექტს შორის სამართლებრივი დავა და მას პოლიტიკასთან კავშირი არ აქვს:

„ძალიან ბევრმა ადამიანმა გაიგო, რომ აქ არ არის პოლიტიკურ თემაზე ლაპარაკი, პოლიტიკური პარტიების ჩართულობა მხოლოდ ერთ რამეს ემსახურება, რომ  თავისი  პოლიტიკური დივიდენდი მიიღონ აქედან. წინააღმდეგ შემთხვევაში ყველამ- პოლიტიკურმა პარტიებმა,  არასამთავრობო ორგანიზაციებმა, მათ შორის მათ, ვისაც პრეტენზია აქვთ  სამართლიანობაზე და სამართლის უზენაესობის  დაცვის საკითხებზე, უნდა იცოდნენ, რომ ეს არის დავა  იმ ადამიანს შორის, ვისაც წაართვეს ქონება და გააქციეს და მეორე  იმ ადამიანს შორის, რომელმაც ეს ქონება შეისყიდა.  ჩენთვის საერთოდ უცნობი ადამიანების გვარებიც გამოჩნდა როგორც მესაკუთრე.  აქედან გამომდინარე, ვფიქრობ, გაცილებით მეტი იცის იმ სასამართლომ, რომელმაც გადაწყვეტილება მიიღო, ვიდრე ეს პარტიები, ზოგიერთი ორგანიზაცია ცდილობს, რომ ხალხს გააგებინოს. პირიქით, მალავენ ინფორმაციას, რეალურ ინფორმაციას არ აწვდიან საზოგადოებას. სასამართლომ გადაწყვეტილება მიიღო გარკვეული მონაცემების საფუძველზე, რომლებიც, ალბათ, იმედია, რომ უახლოეს პერიოდში ხელმისაწვდომი იქება უფრო ფართო  საზოგადოებისათვის, თუ რატომ მოხდა ერთი ადამიანისთვის რაღაც ქონების მინიჭება და რატომ ჩაითვალა, რომ იმ ადამიანს უსამართლოდ წაართვეს ქონება. სასამართლოს თემასთან დაკავშირებით  ზედმეტ კომენტარს ვერც გავაკეთებ, მაგრამ მთავარი არის ის, რომ ისე იქცევიან და ისე მოქმედებენ და ისე საუბრობენ, გეგონება იმ პერიოდში, როცა ნიკა გვარამია იყო თავად რეალური განმკარგავი, ამ სამთავრობო ძალოვანი სტრუქტურების  ერთ-ერთი წამყვანი ფიგურა, თითქოს იმ პერიოდში არც არავის  არაფერს ართმევდნენ და არც არავის აყაჩაღებდნენ ოფიციალური სტრუქტურები. თითქოს ბიზნესი იყო სრულიად ხელშეუხებელი.  ამიტომ, ბევრს არ უკვირს, რომ სასამართლომ ეს გადაწყვეტილება ასეთი სახით მიიღო“,-განუცხადა გია ვოლსკიმ „ექსპრესნიუსს“.

შეგახსენებთ, საქართველოს უზენაესმა სასამართლომ გუშინ რუსთავი 2-ის საქმეზე გადაწყვეტილება მიიღო, რომლის თანახმადაც, ტელეკომპანიის წილის 60%-ის მესაკუთრე ქიბარ ხალვაშია, ხოლო 40%-ის შპს „პანორამა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს