ხალვაში რ2-ის შეთავაზებაზე: ეს რომ შესაძლებელი ყოფილიყო, მე თვითონ შევთავაზებდი მოლაპარაკებას

2017-03-03 01:32:51, 1762 ნახვა

პოლიტიკა

ეს რომ შესაძლებელი ყოფილიყო, მე თვითონ შევთავაზებდი მოლაპარაკებას, - ასე ეხმაურება ბიზნესმენი ქიბარ ხალვაში რუსთავი 2-ის შეთავაზებას.

ხალვაშის განცხადებით, "გვარამია არ არის გვარამია. ის არის მიშა".

"გვარამია არ არის გვარამია. ის არის მიშა. როცა გულუბრყვილო ვიყავი, ვცდილობდი პრობლემების დროს მოლაპარაკებას. ეს დრო წავიდა. ეს რომ შესაძლებელი ყოფილიყო, მე თვითონ შევთავაზებდი მოლაპარაკებას", - განუცხადა ქიბარ ხალვაშმა "გურია ნიუსს".

მისი თქმით, თავის დროზე მიხეილ სააკაშილმა და ნიკა გვარამიამ მას ზარალი მიაყენეს.

„მაგათ, ალბათ, დაავიწყდათ, რა ზარალი მოგვაყენეს მიშამ, გვარამიამ და მათმა თანაგუნდელებმა. დაავიწყდათ, ალბათ, რა გვიქნეს ჩვენ და ჩვენს ახლობლებს“, - განაცხადა ქიბარ ხალვაში.

ცნობისთვის, ბრიფინგზე ნიკა გვარამიამ ქიბარ ხალვაშს შესთავაზა, რომ ტელევიზია ამჟამინდელ კოლექტივს მიყიდოს.

შეგახსენებთ, "რუსთავი 2"-ის საქმეზე უზენაესმა გადაწყვეტილება გამოიტანა. გადაწყვეტილების თანახმად, ტელეკომპანიის 60%-ის წილის მესაკუთრედ ცნობილ იქნა ქიბარ ხალვაში, ხოლო 40%-ის შპს „პანორამა“.