|
2017-03-02 16:33:16, 619 ნახვა
სამხედრო
გენერალი პეტრ პაველი: ყველაფერს გავაკეთებთ, რომ საქართველო ნატო-ს წევრობისთვის მოვამზადოთ
ნატო-ს სამხედრო კომიტეტის თავმჯდომარის, გენერალ პეტრ პაველის განცხადებით, ჩრდილოატლანტიკური ალიანსი საქართველოს ტერიტორიულ მთლიანობას და სუვერენიტეტს მტკიცედ უჭერს მხარს. როგორც მან თავდაცვის მინისტრ ლევან იზორიასთან ერთად გამართულ პრესკონფერენციაზე განაცხადა, საქართველო ნატო-სთვის მაღალი ღირებულების პარტნიორია. მისივე თქმით, ყველაფერს გააკეთებენ, რათა საქართველო მომავალში ნატოს წევრობისთვის მოამზადონ. „დიდი მადლობა საქართველოს ხელისუფლებას თქვენს ლამაზ ქვეყანაში მოწვევისთვის. ნატო სრულად უჭერს მხარს საქართველოს ტერიტორიულ მთლიანობას და სუვერენიტეტს. ამ თვალსაზრისით, მოვუწოდებთ რუსეთს, უკან გამოიწვიოს ორი რეგიონის აღიარება. საქართველო გახლავთ მაღალი ღირებულების პარტნიორი ნატო-სთვის. გავამყარეთ ჩვენი პარტნიორობა ოპერაციებში, მსხვერპლიც გავიღეთ ერთად. აღნიშნული პარტნიორობა ნათლად ასაბუთებს საქართველოს, როგორც პარტნიორის სანდოობას. მე ასევე არ უნდა დამავიწყდეს ერთობლივი საწვრთნელი ცენტრი, რაც ნატო-საქართველოს არსებითი პაკეტის ფლაგმანია და რომელსაც დიდი წვლილი შეაქვს საქართველოს შეიარაღებული ძალების ბრძოლისუნარიანობის და ნატოსთან თავსებადობის ამაღლებაში. ხანგრძლივი გზაა გასავლელი წევრობისთვის. ჩვენ ახალი წევრების მოლოდინში ვართ. ყველაფერს გავაკეთებთ რათა საქართველო მოვამზადოთ ნატო-ს წევრობისთვის“, - განაცხადა გენერალმა პეტრ პაველმა. ცნობისთვის, ნატო-ს სამხედრო კომიტეტი საქართველოს ორდღიანი ოფიციალური ვიზიტით დღეს ეწვია.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)