„ახლოვდება გადამწყვეტი მომენტი, როდესაც გამოჩნდება, როგორი ქვეყანა იქნება საქართველო ხვალ, ზეგ და მაზეგ, - ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ უზენაეს სასამართლოსთან, „რუსთავი 2“-ის მხარდამჭერ აქციაზე განაცხადა.

როგორც მან აღნიშნა, „ევროპული საქართველო“ ყოველთვის დადგება „რუსთავი 2“-ის გვერდით და თავისუფალ სიტყვას დაიცავს.

„დღეს გამოჩნდება, ვიქნებით ჩვენ ნორმალური თავისუფალი ტიპის ქვეყანა, თუ ვიქნებით სახელმწიფო, როგორიც არის მაგალითად რუსეთი, სადაც არ არსებობს განსხვავებული აზრი და არ არსებობს კრიტიკული პოზიციის გამომხატველი ტელევიზია. დღეს ეს არის მთავარი საფრთხე. ადამიანებს შეიძლება მოსწონდეთ, ან არ მოსწონდეთ „რუსთავი 2“, ნიკა გვარამია, გეცინებოდეს ან არ გეცინებოდეს ვანო ჯავახიშვილზე, მაგრამ უნდა გვესმოდეს, რომ დღევანდელი აქცია და ის რაც დღეს წყდება, არ ეხება ნიკა გვარამიას ვანო ჯავახიშვილს და „რუსთავი 2“-ს, ეს ეხება თითოეული ჩვენგანის მომავალს, როგორ ქვეყანაში ვიცხოვრებთ, იქნება თუ არა კრიტიკული აზრი, ისეთი ტელევიზია, რომელიც ილაპარაკებს პრობლემებზე, სიდუხჭირეზე და იმ ყველაფერზე, რაზეც არ ილაპარაკებს მთავრობა“, - აღნიშნა დავით ბაქრაძემ.

ცნობისთვის, საქართველოს უზენაეს სასამართლოსთან ტელეკომპანია  „რუსთავი 2“-ის მხარდამჭერი აქცია მიმდინარეობს. აქციაზე სხვადასხვა პოლიტიკური პარტიებისა და არასამთავრობო ორგანიზაციების წარმომადგენლები, ასევე რიგითი მოქალაქეები არიან შეკრებილი. ისინი ტელეკომპანიის საქმეზე უზენაეს სასამართლოს საბოლოო გადაწყვეტილებას ელოდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს