მაინც და მაინც მკვდარი უნდა იყოს ადამიანი რომ არ დაიკითხოს?!, - ამის შესახებ დეკანოზ გიორგი მამალაძის ადვოკატმა, მიხეილ რამიშვილმა ჟურნალისტებს, მამა გიორგის დაკითხვის ჩაშლის შემდეგ განუცხადა.

როგორც რამიშვილმა აღნიშნა, პროკურატურა ოქმს აკეთებს, რომ "თურმე მამა გიორგი დაკითხვაზე უარს იძახის".

ადვოკატის ინფორმაციით, მამა გიორგი მამალაძის ჯანმრთელობის მდგომარეობა დამაკმაყოფილებელი არ არის.

„მამა გიორგი იყო ჩემთან ერთად როდესაც ჩემი კოლეგები შემოვიდნენ და ჩვენ უკვე მზად ვიყავით, რომ დაწყებულიყო დაკითხვა. შევამჩნიე, რომ ნამდვილად ცუდად იყო, ადამიანს კანკალი დააწყებინა და ექიმმა, რომელმაც მითხრა, რომ სჯობს დაისვენოს და არა შეისვენოს, ჯერ დაკითხვაც არ იყო დაწყებული, პროკურორმა დასვენება გადადო შესვენებად. როგორ უნდა შეისვენოს ადამიანმა, როდესაც დაკითხვა არ არის დაწყებული.

როდესაც ექიმს ვკითხეთ, 35.4 ნორმალური ტემპერატურაა ადამიანისთვის? აღნიშნა, რომ ეს ინდივიდუალურად ყველას შეიძლება ჰქონდეს; ვეკითხებით, წნევა პირღებინება რის გამო აქვს? ამბობს, რომ ეს შეიძლება სტრესი იყოს. ამ დროს პროკურატურა ოქმს აკეთებს შემდეგი შინაარსით, რომ თურმე მამა გიორგი უარს იძახის დაკითხვაზე. მაინც და მაინც მკვდარი უნდა იყოს ადამიანი რომ არ დაიკითხოს? ადამიანი ცუდად არის და ჩვენს გენიალურ პროკურატურას მიაჩნია, რომ შეუძლებელი თურმე არაფერი არ ყოფილა", - განაცხადა რამიშვილმა.

ცნობისთვის, ე.წ მატროსოვის ციხეში დეკანოზ გიორგი მამალაძის დაკითხვა ჩაიშალა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა