„მამა გიორგი მამალაძის დაკითხვა, ალბათ, რამდენიმე დღე გაგრძელდება, აქედან გამომდინარე შეიძლება ბევრი რაღაც დასახელდეს და ბევრ რამეს აეხადოს ფარდა“,-ამის შესახებ დეკანოზ გიორგი მამალაძის ადვოკატმა მიხეილ რამიშვილმა  ჟურნალისტებს განუცხადა.

ამასთან, როგორც რამიშვილმა აღნიშნა, საქმესთან დაკავშირებით, შეიძლება კიდევ ბევრი ადამიანი დაიკითხოს.

„იქიდან გამომდინარე, რომ გამოძიება მიმდინარეობს, როცა ჩავთვლი საჭიროდ, საზოგადოებამ იცოდეს, ვისზეა საუბარი, დავასახელებ. ჯერ საგამოძიებო მოქმედებები ჩატარდეს და მერე ვისაუბრებ მაგაზე. იარაღის საკითხს რაც ეხება, ჯერ მანამდე არ მივსულვართ, ხოლო თხრობით ფორმაში დეკანოზმა გააჟღერა, საიდან შეიძლებოდა ან ვისგან შეიძლებოდა აღნიშნული იარაღი მასთან“, - აღნიშნა  რამიშვილმა.

ცნობისთვის, გუშინ დეკანო გიორგი მამალაძის დაკითხვა 8 საათის განმავლობაში მიმდინარეობდა. როგორც დაკითხვის შემდეგ პროკურორმა ჯარჯი წიკლაურმა განაცხადა, ვინაიდან ბრალდებულისგან მიღებული ინფორმაცია საკმაოდ ვრცელი იყო, ყველა კითხვის დასმა ვერ მოესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა