საქართველოს ეკონომიკისა და მდგრადი განვითარების სამინისტროს ინოვაციების და ტექნლოგიების სააგენტოს საფრანგეთის სრულუფლებიანი ელჩი ეწვევა. ამის შესახებ "ექსპრესნიუსს" უწყებიდან აცნობეს.

მათი ინფორმაციით, სტუმარი დაათვალიერებს ტექნოპარკის სივრცეს, გაეცნობა სააგენტოს პროექტებსა და პროგრამებს, დაგეგმილია ორმხრივი შეხვედრა ქვეყნებს შორის ინოვაციების და სტარტაპების მიმართულებით თანამშრომლობის შესაძლებლობების განხილვის მიზნით, სრულუფლებიანი ელჩი ასევე, შეხვდება სტარტაპებს და საფრანგეთის მიერ შეთავაზებულ პროგრამების შესაძლებლობებს გააცნობს.
 
საელჩოს წარმომადგენლები შეხვედრაზე მოწვეულ სტარტაპებს ინფორმაციას მიაწვდიან  მნიშვნელოვანი  ღონისძიების შესახებ, რომელშიც ქართველ სტარტაპებს ექსკლუზიური მონაწილეობის შესაძლებლობა მიეცემათ. 
 
ღონისძიება 2017 წლის 16 მარტს პარიზში იმართება.  სასტუმროში  - Hotel del Villa  საფრანგეთისა და სხვა ქვეყნების 1000-მდე სტარტაპი,  მსხვილი ბიზნეს კომპანიების წარმომადგენლები, ექსპერტები და ინვესტორები ერთმანეთს გაუზიარებენ საკუთარ ინოვაციურ მიღწევებს.

აღნიშნული ღონისძიება მესამედ ტარდება და წელს ის ორიენტირებულია   2024 წლის ოლიმპიური თამაშებისთვის პარიზის კანდიდატურის შერჩევაზე.  ღონისძიებას დაესწრებიან დაინტერესებული პირები  სხვადასხვა  სფეროებიდან: ტურიზმი, ლოჯისტიკა, ტრანსპორტი, მშენებლობა, განათლება, მომსახურება და სხვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში Starlink-ის ტერმინალების იმპორტი აიკრძალა

უკრაინის პროტესტის შემდეგ, ისრაელმა რუსეთიდან მოპარული მარცვლეულის მიღებაზე უარი თქვა

რუსეთში ნავთობის გადამუშავება 17 წლიან მინიმუმამდე დაეცა

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა