საქართველოს კათოლიკოს პატრიარქის პირადი დაცვის უფროსი, თანამდებობის დატოვების შესახებ გავრცელებულ ინფორმაციას არ ადასტურებს.

როგორც მან ჟურნალისტებს განუცხადა, მამა მიქაელ ბოტკოველმა დღეს „იცრუა“, როდესაც თქვა, რომ პატრიარქის დაცვის უფროსი საპატრიარქოში ილია მეორის გერმანიიდან დაბრუნების შემდეგ არ უნახავს.

„უპირველეს ყოვლისა, მინდა გაცნობოთ, რომ მიქაელ ბოტკოველმა იცრუა, მოიტყუა, როდესაც თქვა, რომ მე არ ვიმყოფები საპატრიარქოში. გერმანიიდან ჩამოსვლის დღიდან, მე ვარ საპატრიარქოში და ვასრულებს ჩემს მოვალეობას“, - განაცხადა სოსო ოხანაშვილმა და დასძინა, რომ უახლოეს დღეებში აპირებს გამართოს ბრიფინგი, სადაც მისი თქმით, საზოგადოებას საკუთარ გადაწყვეტილებას გააცნობს.

შეგახსენებთ, მამა მიქაელ ბოტკოველმა დღეს განაცხადა, რომ მას შემდეგ, რაც ილია მეორე საქართველოში დაბრუნდა, სოსო ოხანაშვილი საპატრიარქოში არ უნახავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში Starlink-ის ტერმინალების იმპორტი აიკრძალა

უკრაინის პროტესტის შემდეგ, ისრაელმა რუსეთიდან მოპარული მარცვლეულის მიღებაზე უარი თქვა

რუსეთში ნავთობის გადამუშავება 17 წლიან მინიმუმამდე დაეცა

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა