საქართველოს პრემიერ-მინისტრის წარმომადგენელის რუსეთთან ურთიერთობის საკითხებში, ზურაბ აბაშიძის განცხადებით, რუსეთის მხარის გადასაწყვეტია, როგორ სავიზო რეჟიმს აირჩევს ის საქართველოს მოქალაქეებისთვის.

როგორც აბაშიძემ მთავრობის სხდომის დასრულების შემდეგ ჟურნალისტებთან საუბრისას აღნიშნა, ლავროვის განცხადება იმასთან დაკავშირებით, რომ სამხრეთ-კავკასიის რეგიონი ხდება ბოევიკევის, ტერორისტების, ექსტრემისტების მარშრუტი, საქართველოსთან მიმართებით სრულიად მიუღებელია. 

„გავეცანით ლავროვის კომენტარს საქართელოს მოქალაქეებისთვის რუსეთის სავიზო რეჟიმის თაობაზე. კერძოდ, მან სავიზო რეჟიმის გაუქმება დააკავშირა რუს და ქართველ სამართალდამცველებს შორის თანამშრომლობასთან. ასევე, გარკვეულწილად დიპლომატიური ურთიერთობების აღდგენასთან. ბოლო ორი წლის განმავლობაში ჩვენ რუსეთის მხრიდან ამ საკითხთან დაკავშირებით სხვადასხვა მოსაზრება მოვისმინეთ. კერძოდ, 2015 წლის ბოლოს პერზიდენტმა პუტინმა განაცხადა, რომ იდგა საკითხი სავიზო რეჟიმის გაუქმებაზე საქართველოს მოქალაქეებისთვის. მოგვიანებით რუსეთის საგარეო უწყებამ განაცხადა, რომ იგეგემებოდა არა სავიზო რეჟიმის გაუქმება, არამედ მისი გამარტივება, რაც შემდეგ მართლა მოხდა. ცოტა ხნის წინ მოვისმინეთ რუსეთის მხრიდან, რომ მიმდინარეობს მუშაობა სავიზო რეჟიმის შემდგომი გამარტივების მიზნით. ამჯერად ლავროვმა ამ თვალსაზირისთ ახალი ელემენტები გააჟღერა. ჩვენი პოზიცია ასეთია, ჩვენი ქვეყნის ინტერესებიდან გამომდინარე, ჯერ კიდევ 2011 წლიდან გააუქმა სავიზო მოთხოვნები რუსეთის მოქალაქეებისთვის. ამან გამოიწვია ის, რომ ასეთივე გადაწყვეტილება იყო მიღებული სხვა ქვეყნის მოქალაქეებისთვისაც და ამან გამოიწვია ტურისტების რაოდენობის მნიშვნელოვანი ზრდა. ჩვენში უსაფრთხოების ხარისხი მაღალია. ამაზე მეტყველებს მრავალი კვლევა და საერთაშორისო ორგანიზაციებიც ადასტურებენ. ამიტომ ბატონი ლავროვის სიტყვები, რომ სამხრეთ-კავკასიის რეგიონი ხდება ბოევიკევის, ტერორისტების, ექსტრემისტების მარშრუტად, საქართველოსთან მიმართებით არანაირად არ არის მისაღები. თვით რუსეთიდან სირიასა და ერაყში გასულია 2000 რუსეთის მოქალაქე. ამგვარად, რუსეთის მხარის გადასაწყვეტია, რანაირ სავიზო რეჟიმს აირცევს საქართველოს მოქალაქეებისთვის“, - განაცხადა აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში Starlink-ის ტერმინალების იმპორტი აიკრძალა

უკრაინის პროტესტის შემდეგ, ისრაელმა რუსეთიდან მოპარული მარცვლეულის მიღებაზე უარი თქვა

რუსეთში ნავთობის გადამუშავება 17 წლიან მინიმუმამდე დაეცა

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა