მეუფე პეტრეს აზრით, შორენა თეთრუაშვილის "ინტრიგაში" ხელისუფლების გარკვეული ჯგუფები არიან გარეულები. ამის შესახებ მან გადაცემა "არჩევანში" ისაუბრა.

მეუფე პეტრე არ გამორიცხავს, რომ ქონების დატაცების პროცესში ხელისუფლების წარმომადგენლებიც მონაწილეობდნენ.

„მე ვფიქრობ, რომ ხელისუფლების გარკვეული ჯგუფი გაუგებრობაში და შეცდომაშია შეყვანილი. დარწმუნებული ვარ, ამ ინტრიგის ნაწილი აღმოჩნდნენ ისინი", - განაცხადა მეუფე პეტრემ.

მეუფე პეტრემ შორენა თეთრუაშვილის ქონებაზეც ისაუბრა და განაცხადა, რომ „საქართველოში ქალბატონი, რომელიც არ არის ბიზნესმენი და არ არის ბიზნესმენის მეუღლე და არის ყველაზე დიდი უძრავი ქონების მქონე და ყველაზე მდიდარი".

მისივე თქმით, შორენა თეთრუაშვილი და მის გარემოცვაში მყოფი ადამიანები საპატრიარქოს ხარჯზე დიდი რაოდენობით შემოსავალს იღებენ. მისივე თქმით, საპატრიარქოს აქვს რესურსი, ჰქონდეს საკუთარი შემოსავალი და ამაში ყოველთვის „უხილავი ხელი“ უშლიდა და უშლის. 

მეუფე პეტრე ფიქრობს, რომ შორენა თეთრუაშვილს ზურგს რუსეთი უმაგრებს, რადგან ის დასაყრდენი ძალაა საქართველოს მართლმადიდებელ ეკლესიაში.

„ჩემი აზრით, გარე და სახიფათო ძალა, ანუ დამპყრობელი ძალა, ასე ვთქვათ, მას მხოლოდ მფარველობს, რა დოზითაც მას სჭირდება იმიტომ, რომ ეს ადამიანი არის ყველაზე დიდი დასაყრდენი საქართველოში, საქართველოს მართლმადიდებელ ეკლესიაში,“ - განაცხადა მეუფე პეტრემ.

ერთ-ერთი ეპარქია რუსეთის ეკლესიის იურისდიქციას შეუერთდა, რასაც მეუფე პეტრე შორენა თეთრუაშვილს უკავშირებს. მისი აზრით, სწორედ შორენა თეთრუაშვილის გამო მოხდა საქართველოს ეკლესიითვის სასიკეთო საქმის ჩაშლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს