2017-02-12 14:42:44, 2364 ნახვა
სამართალი
ყაჩაღობა სოფელ ჯიხანჯირში-ნაცემია ცოლ-ქმარი
ლანჩხუთის მუნიციპალიტეტის სოფელ ჯიხანჯირში ყაჩაღობა მოხდა. ტელეკომპანია „რუსთავი2“-ის ინფორმაციით, შეიარაღებული პირები ფულის გამოძალვის მიზნით, ადგილობრივ მცხოვრებ გელა გურგენიძის ოჯახში შეიჭრნენ. გელა გურგენიძემ გაქცევა მოახერხა, თუცმა მას ყაჩაღები დაეწიენ, სცემეს და მდინარეში ჩააგდეს. გელა გურგენიძის მეუღლემ ეკა ჭითაშვილმა რამდენიმე საათის შემდეგ, მეზობელთან გადასვლა შეძლო. სწორედ მეზობელმა გამოიძახა პოლიცია და სასწრაფო დახმარება.გელა გურგენიძე და მისი მეუღლე ცემის შედეგად მიყენებული დაზიანებების გამო, ლანჩხუთის კლინიკაში მოათავსეს. მათ სიცოცხლეს საფრთხე არ ემუქრება.
მომხდართან დაკავშირებით ყაჩაღობის მუხლით უკვე დაწყებულია გამოძიება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
