შინაგან საქმეთა მინისტრის მოადგილემ, შალვა ხუციშვილმა საგზაო მოძრაობის უსაფრთხოების სფეროში დაგეგმილი რეფორმის შესახებ გამართულ შეხვედრაში  მონაწილეობა მიიღო.

შსს-ს ინფორმაციით, მან საქართველოს პარლამენტის, თბილისის მერიის და არასამთავრობო ორგანიზაციების წარმომადგენლებს შს სამინისტროს საგზაო მოძრაობის უსაფრთხოების საკანონმდებლო პაკეტით შეთავაზებული ცვლილებები გააცნო და დამსწრეების შეკითხვებს დეტალურად უპასუხა.

„დღევანდელ შეხვედრაზე ყველა მხარე არის წარმოდგენილი - პარლამენტი, მთავრობა, არასამთავრობოები. უმეტეს საკითხზე არის კონსესუსი. ამ პერიოდმა, კანონპროექტის ინიცირების შემდეგ, დაანახა საზოგადოებას, რომ შსს-ს ინიციატივები იყო სწორი და საჭიროც. ეს შეხვედრა ემსახურება იმას, რომ შსს-ს მიერ შემუშავებული კანონპროექტი პარლამენტის მიერ მიღებული იქნეს უმოკლეს ვადაში,“- განაცხადა შალვა ხუციშვილმა.

შეხვედრაზე განიხილეს ქულათა სისტემისა და უკონტაქტო პატრულირების, მართვის მოწმობის გაცემისა და ქვეითთა უსაფრთხოების დაცვის საკითხები, ასევე, ადმინისტრირების გამკაცრების შესაძლებლობა სიჩქარის გადაჭარბებაზე, არასწორ მანევრირებასა და ნასვამობაზე.

შეხვედრა არასამთავრობო ორგანიზაცია „საქართველოს ალიანსი უსაფრთხო გზებისთვის“ ორგანიზებით ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს