საქართველოს დამსაქმებელთა ასოციაციის პროექტის „ბიზნესის დიალოგი მთავრობასთან“ ფარგლებში, ბიზნესსექტორის წარმომადგენლებს  სოფლის მეურნეობის მინისტრი ლევან დავითაშვილი შეხვდა. ამის შესახებ "ექსპრენიუსს" სოფლის მეურნეობის სამინისტროდან აცნობეს.

მათი ინფორმაციით, შეხვერდრას საქართველოში მოქმედი 80-მდე კომპანიის წარმომადგენელი ესწრებოდა.

მათი თქმით, შეხვედრაზე მინისტრმა ბიზნესსექტორის წარმომადგენლებს სამინისტროს მიერ განხორციელებული რეფორმების, მიმდინარე  და დაგეგმილი პროექტების შესახებ დეტალური ინფორმაცია მიაწოდა. 

როგორც ლევან დავითაშვილმა აღნიშნა, მნიშვნელოვანია, რომ  აგრო-სასურსათო სექტორის სავაჭრო ბალანსი გამოსწორდეს,  გაიზარდოს  სექტორის პროდუქტიულობა და მწარმოებლურობა, დაინერგოს ის სტანდარტები, რომელიც სფეროს განავითარებს სწორი მიმართულებით. ასევე მნიშვნელოვანია მარკეტინგული კომპონენტებიც, რათა დამატებითი ღირებულების გენერირება საქართველოში ხდებოდეს. ამ მიმართულებით სოფლის მეურნეობის სამინისტრო მნიშვნელოვან ღონისძიებებს ახორციელებს. 
ლევან დავითაშვილმა  პრეზენტაციის სახით წარადგინა 2017 წლის აგრაგული დარგის განვითარების ხედვა, რომელიც  5 ძირითად  მიმართულებას ითვალისწინებს. ესენია:

პირველადი სასოფლო-სამეურნეო წარმოების განვითარება/ეფექტიანო-ბის გაზრდა;

მოსავლის აღების შემდგომი ტექნოლოგიების განვითარება - შემნახველი და გადამამუშავებელი ინფრასტრუქტურის გაფართოება, მოდერნიზაცია;

სურსათის უვნებლობისა და უსაფრთხოების სისტემებისა და თანამედროვე სტანდარტების დანერგვა;

ფერმერთა კომპეტენციების და კონკურენტუნარი-ანობის ამაღლება;

საექსპორტო ბაზრების დივერსიფიკაცია - ახალ ბაზრებზე წვდომის ხელშეწყობა;

შეხვედრის მონაწილეებმა დეტალურად განიხილეს აღნიშნული საკითხები და ამ  მიმართულებით დაგეგმილ ღონისძიებებზე იმსჯელეს. 

შეხვედრა კითხვა-პასუხის რეჟიმში გაგრძელდა. ბიზნესსექტორის წარმომადგენლების დასმულ ყველა შეკითხვას სოფლის მეურნეობის სამინისტროს და მის სისტემაში შემავალი უწყებების ხელმძღვანელმა პირებმა ამომწურავი პასუხები გასცეს.

ბიზნესგაერთიანება „საქართველოს დამსაქმებელთა ასოციაცია“ პროექტით „ბიზნესის დიალოგი მთავრობასთან“ მხარს უჭერს კერძო და სახელმწიფო სტრუქტურებს შორის კომუნიკაციის გაუმჯობესებას. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები