აჭარაში მცხოვრებ იძულებით გადაადგილებულ და სხვა ტიპის ოჯახებს საცხოვრებელი ბინები საკუთრებაში გადაეცემა.

აჭარის ჯანდაცვის სამინისტროს ინფორმაციით, ჯამში 130 მოქალაქისთვის ბინების საკუთრებაში გადაცემის თაობაზე პროცედურები უკვე რამდენიმე თვეა აქტიურად მიმდინარეობს.

„აჭარის ა.რ. მთავრობის მიერ საქართველოს მთავრობას, სახელმწიფო საკუთრებად რეგისტრირებული 136 საკადასტრო ერთეული უძრავი ქონების გადმოცემის თაობაზე ინიციატივა წარედგინა. საქართველოს მთავრობის გადაწყვეტილებით ქონება აჭარის ავტონომიურ რესპუბლიკას უკვე საკუთრებაში გადმოეცა. ამ ეტაპზე მიმდინარეობს საბოლოო იურიდიული პროცედურები, რის მიხედვითაც, აჭარის მთავრობის თავმჯდომარეს ზურაბ პატარაძეს 130 ოჯახისთვის ბინების სიმბოლურ ფასად გადაცემის თაობაზე, ბრძანების პროექტი წარედგინება. ეს ოჯახები 2006 წლიდან სხვადასხვა ობიექტებში საკუთრების უფლების დამდგენი დოკუმენტების გარეშე ცხოვრობენ. ამ ეტაპზე იძულებით გადაადგილებული და სხვა ტიპის ოჯახები მეჯინისწყალის ტერიტორიაზე, ბათუმში ხახულის ქუჩაზე ყოფილი ტექნიკური სკოლის შენობაში, ლეონიძის ქუჩაზე ყოფილი მექანიკური ქარხნის შენობაში, მელიქიშვილის ქუჩაზე ყოფილ საბავშვო ბაღში, ჩაქვის ყოფილ სკოლაში, ქობულეთში ყოფილ მე-7 სკოლაში, ქობულეთის სასაზღვრო ბაღში, ქობულეთის ყოფილი სანიტარული ეპიდემიის სადგურის შენობაში ცხოვრობენ“, - აცხადებენ აჭარის ჯანდაცვის სამინისტროში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

DRI ვახო სანაიაზე: აზრის გამოხატვისთვის დაკავება ეწინააღმდეგება საქართველოს კონსტიტუციას

მედიის ადვოკატირების კოალიცია - მართლმსაჯულების სისტემის გამოყენება კრიტიკული ხმის ჩასახშობად და ჟურნალისტების დასასჯელად

ევროკომისია: ევროკავშირი აკვირდება სარჩელს, რომელიც საქართველოში ხუთი ოპოზიციური პარტიის აკრძალვას ეხება

კახა კალაძე საფრანგეთში მიმდინარე აქციებზე: დღეს იმ უბედურებას, რაც საქართველოში მოაწყვეს, საკუთარ ქვეყანაში ხედავენ