პრეზიდენტის საპარლამენტო მდივანი ე.წ. მოსმენების შესახებ კანონპროექტთან დაკავშირებით  საკომუნიკაციო კომპანიების წარმომადგენლებს შეხვდა.

ანა დოლიძესთან შეხვედრას ესწრებოდნენ საქართველოს ეროვნული უშიშროების საბჭოს მდივნის მოადგილე ლევან ბოძაშვილი, კომპანია„მაგთიდან" ირაკლი მჟავანაძე და დათო ძიძიგური, „ჯეოსელიდან" კახი ლორია, ლევან გიორგაძე და თინათინ ნადარეიშვილი, „ბილაინიდან" ირაკლი ესართია, სატელეკომუნიკაციო კომპანია „სილქნეტიდან" კახი ყურაშვილი და გიორგი ნებიერიძე.

ანა დოლიძის განცხადებით, პრეზიდენტის ადმინისტრაცია აწარმოებს კონსულტაციებს ე.წ. მოსმენების შესახებ კანონპროექტთან დაკავშირებით სხვადასხვაორგანიზაციებთან, მათ შორის არასამთავრობოებთან, კომერციულ ორგანიზაციებთან, სახელმწიფო სტურქტურებთან, რომ ჩამოაყალიბოს საკუთარი პოზიციამოსმენების კანონპროექტთან დაკავშირებით.

„როგორც ჩანს, ინიცირებულ კანონპროექტში ძალიან ბევრი და მნიშვნელოვანი ხარვეზია. შემოდის რამოდენიმე ინოვაცია, რომელიც დასაფიქრებელია.

ასევე სამწუხაროა ის, რომ არავინ გაიარა კონსულტაცია კავშირგაბმულობის კომპანიებთან, მანამ სანამ მოხდებოდა კანონპროექტის ინიცირება.

ჩვენ გვსურს სერიოზული და ფართო მსჯელობა ამ კანონპროექტთან დაკავშირებით, თუმცა, თუ პარლამენტში, შემოთავაზებულ, ფორსირებულ რეჟიმში მოხდებაამ კანონპროექტის განხილვა, ეს შეზღუდავს ხარისხიანი მსჯელობის საშუალებას კანონპროექტში შეტანილ ცვლილებებზე",  - განაცხადა ანა დოლიძემ.

6 თებერვალს კი, აღნიშნულ კანონპროექტთან დაკავშირებით პრეზიდენტის საპარლამენტო მდივანი უკვე შეხვდა სახელმწიფო უსაფრთხოების სამსახურის წარმომადგენლებს და პერსონალურ მონაცემთა დაცვის ინსპექტორს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ევროპული ბიუროკრატია არის ის ძალა, რომელიც მხარს უჭერდა მოლოტოვის კოქტეილს

კობახიძე - პირდაპირი, უხეში პოლიტიკური თავდასხმები ხორციელდება კონსტიტუციურ მართლმსაჯულებაზე, ამაზე დუმს ევროპული ბიუროკრატია

კალაძის მოადგილე ამტკიცებს, რომ რუსთაველის გამზირის რეაბილიტაცია არა ოქტომბერში არამედ ნოემბერში უნდა დასრულებულიყო

თიბისი მოსწავლეებსა და მათ მშობლებს სასკოლო ფორმების შეძენაზე 100%-მდე ქეშბექს სთავაზობს