|
2017-02-08 16:04:02, 667 ნახვა
რეგიონი
ყვარელწყლის საზოგადოებრივ ცენტრში ქართული ენის შემსწავლელი ოთხთვიანი კურსი დაიწყო
ახმეტის მუნიციპალიტეტის სოფელ ყვარელწყლის საზოგადოებრივ ცენტრში ქართული ენის შემსწავლელი ოთხთვიანი კურსი დაიწყო. სასწავლო კურსს ზ. ჟვანიას სახელობის სახელმწიფო ადმინისტრირების სკოლა უძღვება. ქართული ენის შესწავლის კურსების მიზანია საჯარო სამსახურში დასაქმებულ პირთა კვალიფიკაციის ამაღლება, მათ პროფესიულ განვითარებაზე ზრუნვა და მაღალმთიან და ეთნიკური უმცირესობებით კომპაქტურად დასახლებულ რეგიონებში მომუშავე საჯარო მოხელეთა ერთიან სახელმწიფოებრივ სივრცეში ინტეგრაცია; ამავე კურსის მიზანია ასევე ნებისმიერი დაინტერესებული პირისთვის სახელმწიფო ენის სწავლება. სახელმწიფო ენის სწავლების პროგრამა ენის ფლობის ზოგადევროპული სტანდარტის მიხედვით ხორციელდება. პროგრამაში ჩართვა შეუძლია ნებისმიერ დაინტერესებულ პირს, რომელსაც სურვილი აქვს, შეისწავლოს ქართული ენა, ან გაიღრმავოს ცოდნა ამ მიმართულებით. ზ. ჟვანიას სახელობის სკოლა კახეთის რეგიონში, კერძოდ: ახმეტაში, ლაგოდეხსა და თელავში სახელმწიფო ენის სწავლების პროგრამას 2016 წლიდან ახორციელებს. პროგრამით სწავლება ათ რეგიონულ სასწავლო ცენტრსა (ლაგოდეხი, ახმეტა, ახალქალაქი, ნინოწმინდა, ბოლნისი, მარნეული, დმანისი, გარდაბანი, წალკა, საგარეჯოს მუნიციპალიტეტის სოფელი ლამბალო) და მობილურ ჯგუფებში მიმდინარეობს. აღსანიშნავია, რომ სერვისების განვითარების სააგენტოს ინიციატივით, ქართული ენის შემსწავლელი კურსები ეთნიკური უმცირესობებით დასახლებული სოფლების - ყვარელწყლის (დუისი), სართიჭალის, კაბალისა და ფოკის - საზოგადოებრივ ცენტრებში ადრეც ჩატარდა.
(NS)
Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო
კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას
რას ამბობს სტრასბურგის სასამართლო აფგან სადიგოვის საქართველოდან გაძევებაზე
გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)