პარლამენტის იურიდიულ საკითხთა კომიტეტის სხდომაზე სასამართლო რეფორმასთან დაკავშირებულ საკანონმდებლო პაკეტზე  დადებულ პრეზიდენტის ვეტოს  განიხილავენ. მომხსენებელი პრეზიდენტის საპარლამენტო მდივანი ანა დოლიძეა. მან სასამართლო ხელისუფლების  მიუკერძოებლობისა და ეფექტიანობის მნიშვნელობაზე ისაუბრა:

„სასამართლო ხელისუფლების დამოუკიდებლობა, მიუკერძოებლობა, ეფექტიანობა არის თანამედროვე ლიბერალურ-დემოკრატიული სახელწმიფოს ქვაკუთხედი. ამაზე მსჯელობისა და ფიქრის ტრადიცია ისტორიულად გაგვაჩნია. დამოუკიდებელი და მიუკერძოებელი სასამართლოს შექმნა ძალიან გრძელი მიხვეულ-მოხვეული გზაა, რომელსაც 25 წელია ჩვენი სახელმწიფო აშენებს. მართლმსაჯულება საქართველოში  მაშინ იქნება კარგ მდგომარეობაში, როდესაც ჩვენ სახელმძღვანელოებში ვიხილავთ უზენაესი სასამართლოს მოსამართლეთა ისტორიული სიტყვების ციტირებებს, როდესაც სასამართლოების დარბაზებში იქნებიან სტუდენტები, რომლებიც გაიზიარებენ კონკრეტული გადაწყვეტილების ისტორიულ მნიშვნელობას“,-განაცხადა ანა დოლიძემ.

მანვე აღნიშნა რამდენიმე პოზიტიური ნაბიჯი,  რომელიც საქართველოს  უახლოეს წარსულში გადაიდგა:

„მათ შორისა საერთო სასამართლოების შესახებ ორგანულ კანონში შეტანილი სხვადასხვა ცვლილებები. ის ფასეულობა, როგორიცაა სასამართლო პროცესების საჯაროობა,  გამჭვირვალობა, საზოგადოების დასწრება. ეს ფასეულობა დაინერგა უახლოეს წარსულში.

ასევე პოზიტიურ ცვლილებას განეკუთვნება საქმეთა ელექტრონული განაწილების პირობა. პირობას ვამბობ,  ვინაიდან საზოგადოებას მოეხსენება, რომ საქმეთა ელექტრონული განაწილების წესი უნდა შეიმუშაოს იუსტიციის საბჭომ მოგვიანებით. დღეს ამაზე კონკრეტული რეგულაცია არ არსებობს წარმოდგენილ კანონში, არვ იცით, როგორ იმუშავებს ეს სისტემა, თუმცა მჯერა წინაა გადადგმული ნაბიჯი“,-აღნიშნა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად