ოკუპირებულ აფხაზეთში, ბედიის ტაძარში, რუსმა რესტავრატორებმა ბედიის ტაძარში ქართული ფრესკები გაანადგურეს.

როგორც "ექსპრესნიუსს" აცნობეს, ტაძარში კედლები სრულად გაილესა და უნიკალური ფრესკები ჩამოიფხიკა.

 ამასთან ექსკლუზიურად მოწოდებულ ფოტოებში და ვიდეოში ჩანს, რომ განადგურებულია ბაგრატ მე-III-ის უძველესი ფრესკა. ასევე დაზიანებულია ღვთისმშობლის ფრესკა. სხვა დანარჩენი ფრესკები თეთრი ბათქაშით არის დაფარული. გარდა ამისა, საკნები ამოშენებულია ბლოკით.

მნიშვნელოვანია ის ფაქტი, რომ ბედიის ტაძარზე ქართული ხუროთმოძღვრების ნიმუშები და ორნამენტები დამტვრეულია და ტაძრის ეზოში ყრია. ტაძარშივეა დაყრილი ე.წ "რესტავრაციისთვის" გამოყენებული ცემენტის ტომრები და სამუშაო იარაღები. მიმოფანტულია ჩამონგრეული ქართული ორნამენტები.

აღნიშნული ფრესკის განადგურება ე.წ  "რესტავრაციული სამუშაოების" მიმდინარეობისას მოხდა და მას რუსეთის ფედერაციიდან უცნობი "რესტავრატორები" ახორციელებდნენ. რუსი რესტავრატორები აცხადებდნენ, რომ ტაძრის კედლის გამაგრებას გეგმავდნენ, თუმცა შედეგად კედელი, რომელზეც ფრესკა იყო ჩამოინგრა.

კულტურული მემკვიდრეობის დაცვის სააგენტოს წარმომადგენელი გიორგი გაგოშიძე ამბობს, რომ ფრესკების აღდგენა პრაქტიკულად შეუძლებელია.

ცნობისთვის, ბაგრატ მე-III გაერთიანებული საქართველოს პირველი მეფეა (975-1014 წლებში).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები