სახელმწიფო უსაფრთხოების სამსახურის ინფორმაციით, აფხაზეთის დე ფაქტო ხელისუფლება გიორგი ლუკავას ციხიდან გაყვანის ფაქტს არ ადასტურებს.

ამის შესახებ სუს-ში ლუკავას ოჯახის მიერ გავრცელებული ინფორმაციასთან დაკავშირებით განაცხადეს.

„აღნიშნული ინფორმაცია გუშინ მივაწოდეთ ევროკავშირის მონიტორინგის მისიას. მათი მეშვეობით გააქტიურდა ცხელი ხაზი. აფხაზეთის დე ფაქტო ხელისუფლება არ ადასტურებს ლუკავას ციხიდან გაყვანის ფაქტს. საერთაშორისო ორგანიზაციებთან ერთად ლუკავას საქმეზე მუშაობა გრძელდება“, - აცხადებენ სუს-ში.

ოკუპირებული აფხაზეთის ტერიტორიაზე პატიმრობამისჯილი გიორგი ლუკავას ოჯახის წევრები მისი ადგილსამყოფელის დადგენას ცდილობენ.

მათი განცხადებით, ლუკავა ოჯახს ტელეფონით დაუკავშირდა და შეატყობინა, რომ დრანდის ციხიდან მისი სხვაგან გადაყვანა იგეგმებოდა. ამის შემდეგ მასთან კონტაქტი შეწყდა. ოჯახის წევრები ვარაუდობენ, რომ ის მოკლულია.

შეგახსენებთ, აფხაზეთის ომის მონაწილე, გიორგი ლუკავა ოკუპირებულ ტერიტორიაზე 5 წლის წინ დააკავეს და მას უვადო პატიმრობა მიუსაჯეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს