ვახტანგ გომელაურმა და ზექი ლევენთ გუმრუქჩუმ ორი ქვეყნის წინაშე არსებულ საფრთხეებზე ისაუბრეს

2017-01-28 10:51:14, 1048 ნახვა

სხვადასხვა

საქართველოს სახელმწიფო უსაფრთხოების სამსახურის უფროსი, ვახტანგ გომელაური საქართველოში თურქეთის რესპუბლიკის ელჩ ზექი ლევენთ გუმრუქჩუს შეხვდა.

სუს-ის პრესსამსახურის ინფორმაციით, მხარეებმა მიმოიხილეს საქართველო-თურქეთს შორის არსებული სტრატეგიული თანამშრომლობის ძირითადი მიმართულებები და მიღწეული შედეგები.

ვახტანგ გომელაურმა და ზექი ლევენთ გუმრუქჩუმ ორი ქვეყნის წინაშე არსებულ საფრთხეებსა და გამოწვევებზე ისაუბრეს და ხაზი გაუსვეს ორი სახელმწიფოს უსაფრთხოების სამსახურების შესაბამისი თანამშრომლობის განმტკიცების აუცილებლობას.

ასევე, განიხილეს სამომავლო გეგმები და თანამშრომლობის პერსპექტივები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან