იტალიაში გარდაცვლილი ქართველის გადმოსვენების ხარჯებს სახელმწიფო დაფარავს

2015-03-29 17:24:36, 523 ნახვა

საზოგადოება

იტალიაში გარდაცვლილი საქართველოს მოქალაქის თამარ ტრაპაიძის გადმოსვენების ხარჯებს სახელმწიფო დაფარავს.

ინფორმაციას საქართველოს მთავრობის ადმინისტრაცია ავრცელებს.

მათივე ცნობით, საგარეო საქმეთა სამინისტროს წარმომადგენელი უკვე პირადად ესაუბრა გარდაცვლილის ოჯახის წევრებს და თამარ ტრაპაიძის სამშობლოში გადმოსვენებასთან დაკავშირებულ საკითხებზე ინფორმაცია მიაწოდა.

საჭირო პროცედურების დასრულების შემდეგ გარდაცვლილის საქართველოში გადმოსვენება მოხდება.
ცნობისთვის, თამარ ტალიაშვილი იტალიაში რამდენიმე დღის გარდაცვლილი იპოვეს.

იტალიური მედიის ilgiornalediputignano.it ინფორმაციით, გოგონამ ოჯახში, სადაც ის მუშაობდა, საკუთრი საძინებელი ოთახი შეღება და მოიწამლა.

როგორც ადგილობრივი სამართალდამცავები ამბობენ, გოგონას გარდაცვალების მიზეზი პირველადი დათვალიერებით საღებავი ნივთიერებით მოწამვლა გახდა. ოჯახის ცნობით, სადაც გოგონა მუშაობდა, მას ბოლო ოთხი დღის განმავლობაში ღებინებები და მაღალი სიცხე აღენიშნებოდა

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან