აჭარის მთავრობის თავმჯდომარე ზურაბ პატარაძე კულტურული მემკვიდრეობის შენარჩუნებითა და მდგრადი განვითარებით დაინტერესებული საზოგადოებრივი ჯგუფის, „ბათომის" წევრებს შეხვდა.
 
შეხვედრაზე კულტურული (განსაკუთრებით – ურბანული) მემკვიდრეობის დაცვა-შენარჩუნების საკითხები განიხილეს. ზურაბ პატარაძემ საზოგადოება „ბათომის" წევრებს კულტურული და ბუნებრივი ფასეულობების დაცვისა და შენარჩუნების შესახებ თავისი მოსაზრებები გააცნო. საუბარი შეეხო ძველი ბულვარის კონსერვაციასა და ახალი ბულვარის განვითარების გეგმებს, ასევე ქალაქის ურბანული განაშენიანებისა და კულტურული მემკვიდრეობის ძეგლების დაცვის საკითხებს. 

მთავრობის თავმჯდომარემ გამოხატა მზადყოფნა გაითვალისწინოს საზოგადოების მოსაზრება აღნიშნულ საკითხებთან დაკავშირებით და ქალაქის არქიტექტურასა და ურბანიზაციასთან დაკავშირებული პრობლემატური თემები სპეციალისტებისა და სამოქალაქო საზოგადოების ჩართულობით გადაჭრას. 

„ბათუმმა არ უნდა დაკარგოს თავისი იერსახე" - ეს არის მთავარი გზავნილი, რომელიც ზურაბ პატარაძემ საზოგადოება „ბათომთან" შეხვედრაზე გააჟღერა. მსგავსი შეხვედრები აჭარის მთავრობაში პერმანენტულად გაიმართება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ ყაველაშვილი საქართველოში ჩინეთის ელჩს შეხვდა

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა