საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, მინისტრის პირველი მოადგილე გრიგოლ გიორგაძე და მინისტრის მოადგილე შოთა რეხვიაშვილი საქართველოში  გაეროს ლტოლვილთა უმაღლესი კომისრის (UNHCR) ახლადდანიშნულ წარმომადგენელს  იოჰანეს ფან დერ კლაუს შეხვდნენ.

ლტოლვილთა  და განსახლების სამინისტროს ინფორმაციით, გაცნობითი ხასიათის შეხვედრაზე ქართულმა მხარემ UNHCR-ის წარმომადგენელს სამინისტროში მიმდინარე და დაგეგმილი პროექტები გააცნო.  სოზარ სუბარის განცხადებით, სამინისტრო ზრუნავს, რომ საკუთარ სახლებში დაბრუნებამდე იძულებით გადაადგილებულ პირებს  ღირსეული საცხოვრებელი პირობები შეუქმნას.

შეხვედრაზე  „საერთაშორისო დაცვის შესახებ“  მიღებულ  კანონზეც ისაუბრეს, რომელიც იოჰანეს ფან დერ კლაუს განცხადებით, მაქსიმალურადაა მიახლოებული საერთაშორისო სტანდარტებთან.

უწყების ცნობით, დევნილთა და განსახლების მინისტრმა იოჰანეს ფან დერ კლაუს  UNHCR-ის მიერ  სამინისტროსთვის გაწეული დახმარებისთვის მადლობა გადაუხადა.

 მხარეები მომავალში მჭიდრო  და ნაყოფიერი თანამშრომლობის გაგრძელებაზე

შეთანხმდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს

თიბისი საერთაშორისო STEM ოლიმპიადების მთავარი მხარდამჭერია

ვაშლიჯვარში კლდე ცამოიშალა და სახლი მოიყოლა- ერთი ადამიანი დაშავდა