ეროვნულ დემოკრატიული ინსტიტუტის (NDI) კვლევის თანახმად, გამოკითხულთა 15%-მა აღნიშნა, რომ მისი მაჟორიტარი დეპუტატი მხოლოდ თავის ინტერესებს დაიცავდა. 

კერძოდ, გამოკითხულთა 65% აცხადებს, რომ პარლამენტარები იმას გააკეთებენ რასაც პარტია დაავალებთ. 

როგორც გამოკითხვაშია აღნიშნული მოლოდინები პარტიის მხარდაჭერის მიხედვით მნიშვნელოვნად განსხვავდება, მაგალითად:

"ქართული ოცნების" მხარდამჭერების 72% აცხადებს, რომ პარლამენტი მათ ინტერესებს დაიცავს, მაშინ როცა ამ მოსაზრებას სხვა პარტიის მხარდამჭერებისა და უპარტიო მოქალაქეების (ისინი, ვინც არ ასახელებენ თუ რომელი პარტია არის მათ შეხედულებებთან ყველაზე ახლოს) 40%-ზე ნაკლები ეთანხმება. "ქართული ოცნების" მხარდამჭერების გამოკლებით, გამოკითხულთა 30%-ი ფიქრობს, რომ სურვილის შემთხვევაში პარლამენტართან შეხვედრის დანიშვნას ადვილად შეძლებდა, მოქალაქეების უმეტესობა კი ამბობს, რომ პარლამენტის შენობაში შესვლა რთულია. 

“მართალია, ქართული ოცნების მხარდამჭერები მტკიცედ უჭერენ მხარს ახალ პარლამენტს, მაგრამ უმნიშვნელოვანესია, რომ საკანონმდებლო ორგანო და მისი წევრები საქართველოს ყველა მოქალაქეს წარმოადგენდნენ, განურჩევლად იმისა, თუ რამდენად კრიტიკული დამოკიდებულება აქვს ამ მოქალაქეს პარლამენტისადმი”, - განაცხადა NDI-ის ოფიცის ხელმძღვანელმა საქართველოში ლორა თორნტონმა. 

კითხვაზე, საერთო ჯამში, როგორ ფიქრობთ, ახალი პარლამენტი წინა პარლამენტთან შედარებით, უკეთესად, იგივენაირად, თუ უარესად იმუშავებს, გამოკითხულთა 42% განაცხადა, რომ უკეთესად იმუშავებს. 30%-ი აცხადებს, რომ ახალი პარლამენტი იგივენაირად იმუშავებს, 8%-ი თვლის, რომ უარესად, ხოლო 19%-მა კითხვაზე პასუხი არ იცი. 

 ცნობისთვის, კვლევის საველე სამუშაოები ჩატარდა 4 ნოემბერი-4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტურისტის თქმით, თბილისში რუსულად საუბრის გამო სცემეს - პოლიციამ მამაკაცი დააკავა

გორდულაძე - ბატონმა სიორიძემ ახლა მაინც დაიოკოს ნერვები - გაღიზიანებული ვინცაა ეტყობა

სეს: დარღვევების გამო, "კნატუნას" საწარმოო პროცესი შეუჩერდა

საქართველოს ბანკის სასტიპენდიო პროგრამა 23 უნივერსიტეტში - გაიგე, სად შეგიძლია მოიპოვო სწავლის დაფინანსება