სააკაშვილი ყოფილ თანაგუნდელებზე: დიდი მასივი გაიწია გვერდზე და გაიხსნა ახალი გზა, ეს მხოლოდ დადებითი მოვლენაა

2017-01-16 21:49:03, 1420 ნახვა

პოლიტიკა

დიდი მასივი გაიწია გვერდზე და გაიხსნა ახალი გზა, ეს მხოლოდ დადებითი მოვლენაა, - ასე აფასებს საქართველოს ყოფილი პრეზიდენტი მიხეილ სააკაშვილი ენმ-დან უკვე ყოფილი თანაგუნდელების წასვლას.

როგორც "რუსთავი 2"-თან ინტერვიუში ოდესის ყოფილმა გუბერნატორმა აღნიშნა, პარტიაში დარჩა ის ხალხი, ვისაც სჯერა იდეის და გამარჯვების.

„მე დამრჩა შთაბეჭდილება, რომ ასე ხდება ხოლმე ასეთ სიტუაციაში, რომ რაღაც ნაწილმა ჩვენი თანამებრძოლების დაკარგა რწმენა იდეის, დაკარგა რწმენა გამარჯვების, დაკარგა რწმენა იმისა, რასაც ჩვენ ვემსახურებოდით, შეიძლება არც არასოდეს არ სჯეროდა მათ ნაწილს იმისა, რასაც ჩვენ ვემსახურებოდით. ამიტომ ასეთი ხალხი, როცა პარტიაზეა საუბარი, ჯობია პარტიაში არ იყოს. ხშირად იყო, რომ სჯობდა შერიგებულიყავით, ესე არ ხდება, პარტია ეს არის ბრძოლისუნარიანი პოლიტიკური ორგანიზმი, რომლის ფუნქციაა შეცვალოს პოლიტიკური რეალობა. ეს მხოლოდ შესაძლებელია, თუ ის არის იდეოლოგიურად და იდეურად სუფთა, დარწმუნებულია იმაში, რასაც აკეთებს, თუ ის მოქმედებს, როგორც ერთიანი ორგანიზმი. ახლა თუ იქ შიგნით მუდმივად გარკვევის და იმ ხალხს შორის, რომელიც მთავარ რაღაცაზე ვერ თანხმდება, როგორიც არის იდეა, პრაქტიკულად ეს მხოლოდ აზარალებდა პარტიას. დარჩა ის ხალხი, ვისაც სჯერა იდეის, ვისაც სჯერა გამარჯვების. ახლა დიდი ნაწილი, ვინც წინ არ უშვებდა ახალ ხალხს, იმ ხალხს, ვინც ამავე დროს მთელი ეს წლები შეინარჩუნა იდეისადმი ერთგულება, დიდი მასივი გაიწია გვერდზე და გაიხსნა ახალი გზა, ეს მხოლოდ დადებითი მოვლენაა, ამას მე სხვანაირად ვერ შევხედავ,” - განაცხადა მიხეილ სააკაშვილმა.