თავდაცვის სამინისტროში მიმდინარე რეფორმებთან დაკავშირებით, საქართველოს თავდაცვის მინისტრი ლევან იზორია  ვეტერანების საქმეთა სახელმწიფო სამსახურის დირექტორ ვლადიმერ იმნაძეს შეხვდა. მხარეებმა განიხილეს თავდაცვის სამინისტროში მიმდინარე რეფორმები  და სამომავლო თანამშრომლობაზე  შეთანხმდნენ.

ლევან იზორიამ სტუმარს თავდაცვის უწყებაში მიმდინარე ტრანსფორმაციის პროცესი გაუზიარა და მისი მოსაზრებები მოისმინა. „მის მიერ, დადებითად იქნა შეფასებული, მოწონებული და მხარდაჭერილი რეფორმები, რომლებსაც ჩვენ თავდაცვის უწყებაში ვახორციელებთ. ჩვენ, ძალიან დიდ მნიშვნელობას ვანიჭებთ ვეტერანების მოსაზრებას. დავსახეთ თანამშრომლობის ძალიან კონკრეტული გეგმები.

თავდაცვის სამინისტრო, მისი კომპეტენციის ფარგლებში, გააგრძელებს ინტენსიურ და აქტიურ თანამშრომლობას ვეტერანებთან“, - აღნიშნა თავდაცვის მინისტრმა შეხვედრის დასრულების შემდეგ.
თავის მხრივ, ვლადიმერ იმნაძემ მინისტრს რეორგანიზაციის პროცესში მხარდაჭერა აღუთქვა. შეხვედრა ვეტერანთა საკითხებზე საუბრით გაგრძელდა. ვლადიმერ იმნაძემ ლევან იზორიას ვეტერანთა პრობლემები გააცნო და მათ მოგვარებაში თავდაცვის უწყებასთან თანამშრომლობას გაუსვა ხაზი. მისივე შეფასებით, თავდაცვის მინისტრთან დღევანდელი შეხვედრა სამომავლო თანამშრომლობისა და ნდობის სრული გამოხატულებაა. 

თავდაცვის სამინისტროში გამართულ შეხვედრას თავდაცვის მინისტრის მოადგილე ლელა ჩიქოვანი და ვეტერანების საქმეთა სახელმწიფო სამსახურის დირექტორის მოადგილე დაესწრნენ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია