საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ ზუგდიდში 47 დევნილ ოჯახს საცხოვრებელი ბინა გადასცა.

ლტოლვილთა და განსახლების სამინისტროს ინფორმაციით, დევნილ ოჯახებს ახალი ბინების გასაღებები დევნილთა და განსახლების მინისტრის პირველმა მოადგილემ გრიგოლ გიორგაძემ, ზუგდიდის მაჟორიტარმა დეპუტატმა მერაბ ქვარაიამ და  ზუგდიდის მერმა ირაკლი გოგოხიამ გადასცეს.

უწყების ცნობით, დემურიას ქუჩაზე, ადმინისტრაციული დანიშნულების შენობაში დევნილი ოჯახები წლების განმავლობაში უმძიმეს პირობებში ცხოვრობდნენ. სამინისტროს გადაწყვეტილებით,  ტენდერში გამარჯვებულმა კომპანიამ შპს „თი ემ“-მა  ობიექტის სარეაბილიტაციო სამუშაოები ჩაატარა, რომლის ღირებულებამ 1 711 630 ლარი შეადგინა.  

 რეაბილიტაციის პერიოდში სამინისტრო აღნიშნულ ოჯახებს ქირის თანხით უზრუნველყოფდა.

სამუშაოების დასრულების შემდგომ, დემურიას ქუჩაზე მცხოვრებმა დევნილმა ოჯახებმა, ახალი, თანამედროვე სტანდარტებით გარემონტებული ბინები მიიღეს. 

დარჩენილი 15 ბინა კი გრძელვადიანი განსახლების კრიტერიუმების შესაბამისად განაწილდა.

დემურიას ქუჩაზე არსებული 47 ბინიდან 14-ერთოთახიანია, 27-ოროთახიანი და 6-სამოთახიანი.

2012 წლიდან დღემდე, სამეგრელოს რეგიონში რეაბილიტირებულ შენობებში საცხოვრებელი ფართი გადაეცა 343  დევნილ ოჯახს, ხოლო ახალაშენებულ კორპუსებში ბინის მფლობელი 600 დევნილი ოჯახი გახდა.

„სოფლად სახლის“ პროექტის ფარგლებში, სამინისტრომ  სამეგრელოს რეგიონში სახლი შეუსყიდა 400-ზე მეტ  დევნილ ოჯახს.

ზუგდიდში  ბარამიას ქუჩაზე უახლოეს მომავალში 2 კორპუსის მშენებლობა დასრულდება,  სადაც ბინას 144 დევნილი ოჯახი მიიღებს.  გარდა ამისა, მიმდინარეობს 4 კორპუსის მშენებლობა 288 დევნილი ოჯახისთვის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია