2015-03-27 17:39:09, 727 ნახვა
საზოგადოება
თავდაცვის სამინისტროს ადმინისტრაციის უფროსმა გერმანელ ხალხს მიუსამძიმრა
გერმანიის ფედერაციული რესპუბლიკის საელჩოში სამძიმრის წიგნი გაიხსნა.
თავდაცვის სამინისტროს ადმინისტრაციის უფროსი კახა ჩიქოვანი საელჩოში მივიდა და საქართველოს თავდაცვის უწყების სახელით, ავიაკატასტროფის შედეგად დაღუპული მგზავრების ხსოვნას პატივი მიაგო. მან სამძიმრის წიგნში ჩანაწერი დატოვა და დაღუპულთა ოჯახებს თანაუგრძნო.
ცნობისთვის, 24 მარტს საფრანგეთის სამხრეთ ნაწილში, ავიაკატასტროფა განიცადა გერმანული ავიაკომპანიის Germanwings Flight-ის თვითმფრინავმა, რომელიც რეისს ბარსელონადან დიუსელდორფში ასრულებდა. ავიაკატასტროფის დროს ბორტზე 142 მგზავრი, 2 პილოტი და ეკიპაჟის 4 წევრი იმყოფებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
