სოფიო კილაძე: იმედი მაქვს, პარლამენტის წინაშე პრეზიდენტის გამოსვლა კონსტრუქციული იქნება

2017-01-10 14:27:10, 1293 ნახვა

პოლიტიკა

ადამიანის უფლება დაცვის კომიტეტის თავმჯდომარის, საპარლამენტო უმრავლესობის წევრის სოფიო კილაძის განცხადებით, წინასწარ ვერ ისაუბრებს იმის შესახებ, თუ რა საკითხებზე გაამახვილებს პრეზიდენტი ყურადღებას პარლამენტის წინაშე ყოველწლიური მოხსენებით გამოსვლისას. თუმცა იგი იმედოვნებს, რომ პრეზიდენტის პარლამენტში გამოსვლა კონსტრუქციული იქნება.

კილაძის შეფასებით, მნიშვნელოვანია პრეზიდენტის მხრიდან ობიექტურობა შენარჩუნდეს.

„წინასწარ ვერავითარ კომენტარს ვერ გავაკეთებ, თუ რაზე ისაუბრებს პრეზიდენტი და როგორი იქნება მისი გამოსვლა. უმრავლესობის მხრიდან არის ძალიან კონსტრუქციული თანამშრომლობა შეთავაზებული და ჩვენ ამ თანამშრომლობისთვის ღია ვართ. სახელმწიფო ხელისუფლების ორგანოებმა ერთმანეთთან ძალიან მჭიდროდ უნდა ითანამშრომლონ, წინააღმდეგ შემთხვევაში ვერ მივაღწევთ იმ მიზნებს, რომლებიც ყველას ერთად გვაქვს. დიდი იმედი მაქვს პრეზიდენტის გამოსვლა იქნება კონსტრუქციული, თუმცა ეს არ გამორიცხავს კრიტიკულ მოსაზრებებს, მაგრამ ზოგადად ის, რომ ობიექტურობა იყოს მისი მხრიდან შენარჩუნებული, მნიშვნელოვანი იქნება“, - აღნიშნა კილაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან