„ყრილობის ჩატარებისთვის ხელის შეშლას არ დავუშვებთ“ - საპასუხო განცხადება „ნაციონალურ მოძრაობაში“

2017-01-05 17:41:09, 1252 ნახვა

პოლიტიკა

„ნაციონალური მოძრაობის“ საქალაქო და რაიონული ორგანიზაციის თავმჯდომარეები და მაჟორიტარობის კანდიდატები, ისინი, რომლებიც 20 იანვარს ფართომასშტაბიანი ყრილობის ჩატარებას ემხრობიან, კოლეგების საპასუხო განცხადებას ავრცელებენ. მათი თქმით, 20 იანვარს დაგეგმილი 7 000 დელეგატიანი ყრილობის ჩატარებისთვის ხელის შეშლას არ დაუშვებენ. ისინი ირწმუნებიან, რომ უპრეცედენტოდ დემოკრატიულ, ევროპული ტიპის მასშტაბურ ყრილობას გამართავენ:

„მოგეხსენებათ, 30 ნოემბერს გაიმართა ენმ-ის პოლიტიკური საბჭოს სხდომა, სადაც მიღებულ იქნა მასშტაბური - 7000 კაციანი ყრილობის მოწვევის გადაწყვეტილება.

რეგიონული და თბილისის პარტიული ორგანიზაციების უმრავლესობამ მხარი დაუჭირა პოლიტსაბჭოს გადაწყვეტილებას და ამჟამად ყრილობისთვის მზადება დასკვნით ფაზაშია. დღეისათვის უკვე ცნობილია ყრილობის 5000-მდე დელეგატის ვინაობა.

სამწუხაროდ, პარტიის მმართველობაში მყოფი მცირე ჯგუფი დაუპირისპირდა როგორც პოლიტსაბჭოს გადაწყვეტილებას, ისე პარტიის წევრების აბსოლუტური უმრავლესობის ნებას და მიზნად დაისახა მრავალათასიანი ყრილობის საბოტაჟი. აღნიშნულმა ჯგუფმა, საკუთარი პოზიციების შენარჩუნების მიზნით, გადაწყვიტა განახლების და დემოკრატიული განვითარების პროცესის შეფერხება. ეს ადამიანები უგულებელყოფენ იმ ღირებულებებს, რაზეც მუდამ იდგა ჩვენი მოძრაობა და მიუღებელი მეთოდებით ცდილობენ მხარდამჭერების ნების წინააღმდეგ მოქმედებას.

განსაკუთრებით დასანანია, რომ ხსენებული მცირე ჯგუფი მუდმივად საჯაროდ, მათ შორის, ოფიციალურ დოკუმენტებში ცდილობს არალეგიტიმურად წარმოაჩინოს ყრილობა და განიხილავს შესაძლებლობას, მიმართოს ივანიშვილი-ურთმელიძის სასამართლოს საკუთარი პარტიის წინააღმდეგ.

ნაციონალური მოძრაობა არის იმ ათი ათასობით წევრისა და 500 ათასზე მეტი მხარდამჭერის პარტია, ვინც ამ ოთხი წლის განმავლობაში გახდა პოლიტიკური დევნის, ძალადობის, მუქარის და შანტაჟის სამიზნე და მიუხედავად ამისა, არის ივანიშვილის რეჟიმთან ბრძოლის წინა ხაზზე. ამ ადამიანებს ვერავინ წაართმევს უფლებას ჩაატარონ დემოკრატიული, მრავალათასიანი ყრილობა და გადაწყვიტონ პარტიის მომავალი.

ჩვენ, თბილისის და რაიონული ორგანიზაციების თავმჯდომარეები, პარტიის წევრებთან და მხარდამჭერებთან ერთად ვმართავთ უპრეცედენტოდ დემოკრატიულ, ევროპული ტიპის, მასშტაბურ ყრილობას. მისი ჩატარებისთვის ხელის შეშლა ჩვენი ასი ათასობით ამომრჩევლის ნების უგულებელყოფის მცდელობაა, რასაც ჩვენ არ დავუშვებთ. 20 იანვარს ნაციონალური მოძრაობა კვლავ ჩადგება საერთო სახალხო მოძრაობის სათავეში“,-ნათქვამია განცხადებაში, რომელსაც ხელს აწერენ:

1. თბილისი - ნიკანორ მელია(თავმჯდომარე); 2. მთაწმინდა - ნიკა რურუა(კანდიდატი); 3. მთაწმინდა - ლაშა იმერლიშვილი(თავმჯდომარე); 4. ვაკე - პეტრე ცისკარიშვილი(კანდიდატი); 5. საბურთალო - გია როინიშვილი(კანდიდატი); 6.კრწანისი - ლილე ლიპარტელიანი (თავმჯდომარე); 7. ვაზისუბანი/მე-8 ლეგიონი - გიორგი ონიანი(თავმჯდომარე/კანდიდატი); 8. ლილო-ორხევი - ბესო გაზდელიანი(თავმჯდომარე); 9. ვარკეთილი - ირაკლი ნადირაძე (კანდიდატი); 10. ვარკეთილი - შოთა გრიგოლია(თავმჯდომარე); 11. ჩუღურეთი - ირაკლი ჩოლოყაშვილი (კანდიდატი); 12. თემქა - ლერი დემეტრაშვილი(თავმჯდომარე/კანდიდატი); 13. სანზონა - მამუკა გუგეშაშვილი(კანდიდატი); 14. ნაძალადევი - მურმან თხელიძე (თავმჯდომარე/კანდიდატი); 15. ავჭალა - ალეკო ჩაფიჩაძე(თავმჯდომარე/კანდიდატი); 16. მუხიანი - გიორგი ბარამიძე(კანდიდატი); 17. საგარეჯო - გარსევან ბუხნიკაშვილი (თავმჯდომარე); 18. სიღნაღი - ლევან ბეჟაშვილი (თავმჯდომარე/კანდიდატი); 19. დედოფლისწყარო - ლევან ბაღაშვილი (თავმჯდომარე); 20. ლაგოდეხი - გურამ კაკალაშვილი (თავმჯდომარე/კანდიდატი); 21. თელავი - გიორგი ბოტკოველი (თავმჯდომარე/კანდიდატი); 22. ახმეტა - შაქრო ტერტერაშვილი (თავმჯდომარე/კანდიდატი); 23. ყვარელი - ზვიად დუშმანაშვილი(თავმჯდომარე); 24. რუსთავი - დავით კირკიტაძე(კანდიდატი); 25. მარნეული - აზერ სულეიმანოვი(კანდიდატი); 26. გარდაბანი - რამინ ბაირამოვი(თავმჯდომარე/კანდიდატი); 27. ბოლნისი - სამირა იმაილოვა(თავმჯდომარე/კანდიდატი); 28. დმანისი - ბაკურ მგელაძე(თავმჯდომარე/კანდიდატი); 29. წალკა - ემზარ დიმიტრაძე(თავმჯდომარე); 30. თეთრიწყარო - თამარ დალაქიშვილი(თავმჯდომარე); 31. თეთრიწყარო - ნუგზარ წიკლაური(კანდიდატი); 32. თიანეთი - ნინო ნანონაშვილი (თავმჯდომარე); 33. კასპი - ნუგზარ ნონიაშვილი (თავმჯდომარე/კანდიდატი); 34. გორი - ბადრი ბასიშვილი (თავმჯდომარე/კანდიდატი); 35. გორი - ალექსანდრე გოგლიძე(კანდიდატი); 36. ლიახვის ხეობა - რევაზ კახნიაშვილი (თავმჯდომარე); 37. ქარელი - ილია ბურჯანაძე (თავმჯდომარე/კანდიდატი); 38. ხაშური - როინ მახარობლიძე (თავმჯდომარე/კანდიდატი); 39. ონი - ნოდარ ბურდილაძე (თავმჯდომარე); 40. ამბროლაური - ამირან ლომთაძე(თავმჯდომარე); 41. ცაგერი - ნინო ტვილდიანი; 42. ლენტეხი - მურმან მუკბანიანი(თავმჯდომარე); 43. ამბროლაური - ოთარ სირაძე(კანდიდატი); 44. ხარაგაული - თორნიკე ავალიშვილი(თავმჯდომარე); 45. თერჯოლა - ტარიელ ფანჩულიძე(თავმჯდომარე); 46. საჩხერე - ზურაბ ცერცვაძე(თავმჯდომარე/კანდიდატი); 47. ზესტაფონი - გელა სხილაძე (თავმჯდომარე); 48. ბაღდათი - გიორგი რობაქიძე (თავმჯდომარე/კანდიდატი); 49. ვანი - პაატა ლეჟავა(თავმჯდომარე); 50. სამტრედია - ემზარ შუბლაძე(თავმჯდომარე); 51. სამტრედია - მერაბ ჯანელიძე(კანდიდატი); 52. ჭიათურა - პროკოფი(გოგი) ჩიკვილაძე (თავმჯდომარე/კანდიდატი); 53. წყალტუბო - მამუკა საღარეიშვილი (თავმჯდომარე/კანდიდატი); 54. ტყიბული - დავით ქათამაძე (თავმჯდომარე); 55. ოზურგეთი - დავით მჟავანაძე(თავმჯდომარე/კანდიდატი); 56. ლანჩხუთი - კახა ასკურავა(თავმჯდომარე); 57. ჩოხატაური - დიმიტრი კორიფაძე(თავმჯდომარე); 58. აბაშა - დავით დარცმელიძე (თავმჯდომარე); 59. სენაკი - ლაშა კუჭავა(თავმჯდომარე); 60. მარტვილი - ზაალ გოროზია(თავმჯდომარე/კანდიდატი); 61. წალენჯიხა - ავთანდილ აბელია(თავმჯდომარე); 62. ჩხოროწყუ - რამაზ გულუა(თავმჯდომარე); 63. ზუგდიდი - სანდრა ელისაბედ რულოვსი (კანდიდატი); 64. ზუგდიდი - ლევან კონჯარია(კანდიდატი); 65. ბათუმი - გიორგი კირთაძე(თავმჯდომარე/კანდიდატი); 66. ბათუმი - მირდატ ქამადაძე (კანდიდატი); 67. ბათუმი - თემურაზ დუმბაძე(კანდიდატი); 68. ქობულეთი - ელგუჯა ბაგრატიონი(თავმჯდომარე); 69. ქობულეთი - ჯანსუღ ჯინჭარაძე(კანდიდატი); 70. ხელვაჩაური - თეიმურაზ დუმბაძე(თავმჯდომარე); 71. ხელვაჩაური - მიშა ბოლქვაძე(კანდიდატი); 72. შუახევი - სოსლან ზოიძე(კანდიდატი); 73. ქედა - ვაჟა ბოლქვაძე(კანდიდატი); 74. ხულო - ირაკლი ჯორბენაძე(კანდიდატი).

ამავე თემაზე >> http://epn.ge/?id=38181

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან