შპს „თბილსერვის ჯგუფმა“, ტრადიციულად, „წლის საუკეთესო თანამშრომლები“  გამოავლინა.

დაჯილდოებას თბილისის მერი დავით ნარმანია მოადგილესთან, გიგა ნიკოლეიშვილთან ერთად დაესწრო. დედაქალაქის მერმა შპს „თბილსერვის ჯგუფის“ თანამშრომლებს სიტყვით მიმართა და გაწეული სამსახურისთვის, ქალაქის სისუფთავეზე, განათებასა და გამწვანებაზე ზრუნვისთვის მადლობა გადაუხადა, რის შემდეგაც მათ საჩუქრები და სიგელები გადასცა.

„შპს „თბილსერვის ჯგუფი“ ერთ-ერთი წარმატებული სამსახურია ჩვენს სისტემაში. ესენი არიან ადამიანები, რომლებიც მართლაც დღე და ღამე მუშაობენ. დილით ძალიან ადრე დგებიან, იმისათვის, რომ ჩვენი ქალაქი იყოს სუფთა მთელი დღის განმავლობაში, ღამით კი ისინი ზრუნავენ ქალაქის განათებაზე. აღსანიშნავია „თბილსერვის ჯგუფის“ პარკებისა და სკვერების განყოფილება, რომელიც ყველა ძირითად სკვერსა და პარკს უვლის და ყველაფერს აკეთებს იმისათვის, რომ ჩვენი ქალაქი იყოს უკეთ მოწესრიგებული. დღეს დავაჯილდოვეთ ის ღირსეული თანამშრომლები, რომელთაც განსაკუთრებული წვლილი მიუძღვით 2016 წელს, მივულოცეთ მათ და ზოგადად, სამსახურის ყველა თანამშრომელს დამდეგი 2017. მე მინდა, თითოეულ მათგანს ვუსურვო წარმატებები და ბედნიერი 2017 წელი“, - განაცხადა დავით ნარმანიამ.

დედაქალაქის მერთან და მის მოადგილესთან ერთად, შპს „თბილსერვის ჯგუფის“ თანამშრომლებს საჩუქრები კომპანიის დირექტორმა ლევან ჯღარკავამ და პირველმა მოადგილემ, დავით დოლიძემ გადასცეს. ღონისძიებას ესწრებოდა თბილისის მერიის კეთილმოწყობის სამსახურის უფროსი გივი კუბლაშვილი.

2016 წელს შპს „თბილსერვის ჯგუფის“ ოცდათექვსმეტი (ტექნიკური) თანამშრომელი დაჯილდოვდა, რომლებიც წლის განმავლობაში საქმისადმი განსაკუთრებული პასუხისმგებლობით გამოირჩეოდნენ.  მათ შორის იყვნენ კომპანიის უხუცესი და ყველაზე ახალგაზრდა თანამშრომლები - ტარიელ მაისურაძე და ორხან საფაროვი.

დაჯილდოვდნენ, ასევე, „თბილსერვის ჯგუფის“ „ერთგული მეგობრები“, რომლებიც 2016 წლის განმავლობაში კომპანიას აქტიურად უჭერდნენ მხარს. გამარჯვებულებმა „წლის საუკეთესო მეგობრის“ სიგელები და საჩუქრები - საახალწლო კალათები მიიღეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სარჯველაძე - ბავშვს უშველის მხოლოდ წამალი, სწორი და რეალური წამალი

რატომ შეხვდნენ ოცნების მინისტრები, ჩინეთის ინტერნეტის ცენზორს

ევროკავშირმა უკრაინისთვის 90 მილიარდი ევროს ოდენობის სესხის პირობები გაამკაცრა

ხმაური იყო მარნეულის სოფელ შულავერში გამართულ აქციაზე - ვიდეო