პრემიერმა 2016 წლის შეჯამებისას „ბიზნესსახლის" პროექტის მნიშვნელობას გაუსვა ხაზი

2016-12-29 13:04:42, 2648 ნახვა

ეკონომიკა კომენტარი

საქართველოს პრემიერმინისტრმა, გიორგი კვირიკაშვილმა, 2016 წლის შეჯამებისას ხაზი გაუსვა „ბიზნესსახლის" პროექტის მნიშვნელობას, რომელიც მმართველობითი რეფორმის ფარგლებში, საერთაშორისო სპეციალისტების ჩართულობით შეიქმნა და რომლის მშენებლობაც 2017 წლიდან დაიწყება.

„ბიზნესსახლში ყველა შესაბამისი სახელმწიფო უწყება ბიზნესს ერთი ფანჯრის პრინციპით მოემსახურება. ამასთან ერთად, დაიხვეწება და გაუმჯობესდება ონლაინმომსახურება, დაინერგება ახალი დისტანციური სერვისები და მოხდება სახელმწიფო სერვისების საფასურის ოპტიმიზაცია.

ეს რეფორმა, სხვა ანალოგიურ პლატფორმასთან ერთად, ხელს შეუწყობს საზოგადოების მონაწილეობას მმართველობისა და გადაწყვეტილებების მიღების პროცესში და, შესაბამისად, ხალხს ექნება უფრო მეტი შესაძლებლობა აკონტროლოს ხელისუფლება და ის გადაწყვეტილებები, რომლებიც იქნება მიღებული მმართველობის პროცესში", - განაცხადა პრემიერმინისტრმა გიორგი კვირიკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან