საქართველოს ეროვნული არქივი 4-წლიან ანგარიშს აქვეყნებს.

ანგარიშში 2012 წლის ნოემბრიდან 2016 წლის ნოემბრამდე განხორციელებული საქმიანობაა ასახული.

„2013 - პირველად ეროვნული არქივის ისტორიაში, UNESCO-მ მსოფლიო მეხსიერების საერთაშორისო რეესტრში შეიტანა ჩვენთან დაცული დოკუმენტები: ვახუშტი ბაგრატიონის „აღწერა სამეფოსა საქართველოსა" და „გეოგრაფიული ატლასი"

2014 - MoMa-ში (ნიუ-იორკი), „აღმოაჩინე ქართული კინო"-ს ფარგლებში, ნაჩვენები იქნა ეროვნულ არქივში დაცული 4 მოკლემეტრაჟიანი შავ-თეთრი მუნჯი ფილმი

2014 - ეროვნულ არქივში დაცული აუდიოჩანაწერები, მათ შორის, ქართული ზღაპრები ხელმისაწვდომი გახდა SoundCloud-ის პლატფორმის მეშვეობით

2015 – UNESCO-ს იმავე რეესტრში შეტანილ იქნა ეროვნულ არქივში დაცული 8 უძველესი ხელნაწერი (IX-XV სს.)

2015 - დაიწყო სამეცნიერო წიგნებისა და დოკუმენტების კატალოგების გამოცემა

კულტურული მემკვიდრეობის დაცვა-პოპულარიზაცია ჩვენი მუდმივი საზრუნავია

2015 - ჟენევიდან ჩამოვიტანეთ ერთა ლიგაში საქართველოს პირველი და უკანასკნელი ელჩის - ხარიტონ შავიშვილის პირადი ფონდის ასლები

2015 - კონფლიქტის შემდეგ პირველად ჩაეყარა საფუძველი აფხაზ კოლეგებთან პროფესიულ თანამშრომლობას, რაც ნდობის აღდგენის პროცესის აუცილებელი კომპონენტია

2016 - იუსტიციის მინისტრის ინიციატივით,დაიწყო პროექტი „დამოუკიდებელი საქართველოს დიპლომატიის პირველი ნაბიჯები", რომელშიც გაერთიანდა ქართველ დიპლომატთა ვიდეომემუარები

ეროვნული არქივის ფონდების გამდიდრება ჩვენი პრიორიტეტია

4 წლის მანძილზე ელექტრონულ ფორმატზე 4.5 მილიონი საარქივო დოკუმენტი იქნა გადატანილი

2013 - დაიწყო პროექტი „ელექტრონული კარტოგრაფია" და 50 მაღალი რეზოლუციის ისტორიული რუკა ინტერნეტში განთავსდა

2014 - სრული რეაბილიტაცია ჩაუტარდა რესტავრაციის ლაბორატორიას, სადაც 100 ათასამდე ფურცელი იქნა რესტავრირებული

2014-2015 - სრული რეკონსტრუქცია ჩაუტარდა და თანამედროვედ აღიჭურვა ჩვენი შენობები აბაშაში, ზუგდიდსა და თელავში

2015 - ბოლო ათწლეულების მანძილზე პირველად აშენდა ეროვნული არქივის ახალი და თანამედროვე შენობა რუსთავში (ქვემო ქართლის რეგიონული არქივი)

2016 - ეროვნულ არქივს პირველად გაუჩნდა თანამედროვე საგამოფენო პავილიონი, სადაც ფუნქციონირებს მედიათეკა და ბრენდირებული პროდუქციის მაღაზია

2016 - დაიწყო იმერეთის რეგიონული არქივის ახალი შენობის მშენებლობა ქუთაისში

2016 - მკვლევართა დარბაზებში საარქივო დოკუმენტების ელექტრონული ასლები უფასოდ გახდა ხელმისაწვდომი; 4 წლის განმავლობაში დარბაზებში 5 500-მა მკვლევარმა იმუშავა

ეროვნული არქივის მოდერნიზაცია ჩვენი პრიორიტეტია

2013 -  დავიწყეთ უცხოეთში არსებული ქართული დოკუმენტების მოძიება და ჩამოტანა

2013-2016 - 39 მუნიციპალიტეტში ეროვნული არქივის ადგილობრივი წარმომადგენლობა გაიხსნა

2015 - ევროპულ საარქივო პორტალზე (APEx) პოპულარული დოკუმენტი პირველად გახდა ქართული დოკუმენტი - ანჩის ოთხთავი (XI-XII), რომელიც დაცულია ეროვნულ არქივში

2015 - ამერიკელ კოლეგებთან ერთად განხორციელდა ქართული პალიმფსესტების სპექტრული გადაღება და შესწავლა

4 წლის მანძილზე ჩატარდა 40-მდე გამოფენა საქართველოსა და უცხოეთში

2015 - გამოიცა წიგნი „საქართველოს პირველი რესპუბლიკა"

4 წლის მანძილზე ეროვნულ არქივს შეემატა XV-XIX საუკუნის ხელნაწერები, რუკები; აკაკი შანიძის, ვაჟა გვახარიას, ვახტანგ ჟორდანიას, აკაკი ხინთიბიძის, ილია ვეკუას, მარიკა ლორთქიფანიძის და სხვათა პირადი და საოჯახო არქივები; თენგიზ აბულაძის, ლანა ღოღობერიძის, ნანა ჯანელიძის, გიორგი და ელდარ შენგელაიების ფილმების ასლები, ზაალ სულაკაურის ნახატები, ოთარ რამიშვილის 160 სიმღერის ორიგინალური ფონოჩანაწერი, და სხვა”, - ნათქვამია ეროვნული არქივის ანგარიშში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი