„დაგეგმე მომავალი“ - ამ სახელწოდებით დასაქმების მიმართულებით ინოვაციური მექანიზმი - შრომის ბაზრის საინფორმაციო სისტემა შეიქმნა. საჯარო ვებ-პორტალის პრეზენტაცია შრომის, ჯანმრთელობისა და სოციალური დაცვის მინისტრის მოადგილემ, ვალერი კვარაცხელიამ წარადგინა.

შრომის ბაზრის საინფორმაციო სისტემა - www.labour.moh.gov.ge „ერთი ფანჯრის“ პრინციპზეა შექმნილი და შშმ პირებზე სრულად არის ადაპტირებული. საჯარო ვებ-პორტალი მომხმარებლებისთვის ქვეყანაში შრომის ბაზრის ტენდენციებზე, კარიერულ დაგეგმვასა და მოთხოვნად პროფესიებზე განახლებული ინფორმაციის მიწოდებას უზრუნველყოფს. სისტემა მომხმარებელს ინფორმაციის გაანალიზებასა და პრაქტიკაში გამოყენების შესაძლებლობას აძლევს.  

მისი მეშვეობით, მაძიებლები სამუშაო პერსპექტივებზე, მოთხოვნად პროფესიებსა და ეკონომიკური სექტორების მიხედვით, დასაქმების შესაძლებლობებზე მიიღებენ ინფორმაციას. დამსაქმებლები შრომის ბაზარზე სამუშაო ძალის მიწოდებისა და სექტორების მიხედვით ბიზნესის განვითარების შესაძლებლობებს გაეცნობიან. განათლების პროვაიდერები  შრომის ბაზრის მოთხოვნას და საჭირო უნარებზე მიიღებენ ცნობებს. პოლიტიკის პროცესში ჩართული ადამიანები კი მონაცემების ანალიზს გაეცნობიან და პოლიტიკის დაგეგმვა-განხორციელებისათვის მტკიცებულებებს გამოიყენებენ.

შრომის ბაზრის საინფორმაციო სისტემაზე მუშაობა შრომის, ჯანმრთელობისა და სოციალური დაცვის სამინისტრომ 2016 წელს დაიწყო. მისი ამოცანა საზოგადოების ინფორმირებულობის ამაღლება და მომავლის სწორად დაგეგმვაში დახმარებაა.

ინოვაციური მექანიზმის პრეზენტაციას ჯანდაცვის სამინისტროს ეროვნულ სასწავლო ცენტრში სახელმწიფო სტრუქტურების, სოციალური პარტნიორების, საერთაშორისო და სამოქალაო ორგანიზაციების წარმომადგენლები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი