ჭყონდიდელი მიტროპოლიტი პეტრე ცაავა აცხადებს, რომ აუცილებელია საეკლესიო სასამართლო აღდგეს.

პეტრე ცაავას განცხადებით, ყველა პრობლემა, რომელიც დღეს ქართულ ეკლესიაში არსებობს, საეკლესიო სასამართლოს საშუალებით ადვილად მოგვარდება.

მიტროპოლიტის ვარაუდით, დღეს ყურადღება უნდა გადავიდეს მთავარ პრობლემაზე, რომელიც საქართველოს საპატრიარქოში არსებულ განუსაზღვრელ ძალაუფლებას ეხება.

განუსაზღვრელ ძალაუფლებაში კი პეტრე ცაავამ, პატრიარქის მდივან-რეფერენტი შორენა თეთრუაშვილი დაასახელა.

“მე რასაც თვალყურს ვადევნებ, მეორე, მესამე, მეათეხარისხოვან პრობლემებზეა ყურადღება გადატანილი. მთავარი პრობლემა საქართველოს საპატრიარქოში დღეს არის განუსაზღვრელი ძალაუფლება, პატრიარქის მდივან-რეფერენტის ქალბატონის ხელში არსებული, რასაც უკავშირდება აბსურდული პრობლემების შექმნა, უწესრიგო მდგომარეობა, მთავარ პრობლემას უნდა შევეხოთ. დანარჩენი ადვილად მოგვარებადია, როდესაც აღდგება სამართლიანობა, ყველა მღვდელმთავარი და წმინდა სინოდი თავის მოვალეობებს შეასრულებს, აუცილებლად უნდა აღდგეს საეკლესიო სასამართლო და ეს პრობლემები ძალიან ადვილად მოგვარდება ღვთის წყალობით“, - განაცხადა მეუფე პეტრემ და დასძინა, რომ ყველა პრობლემის სათავე შორენა თეთრუაშვილის ხელში არსებული განუსაზღვრელი ძალაუფლებაა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა