ინდონეზიაში, მკვლევარებმა AirAsia-ს გაუჩინარებული ლაინერის მეორე „შავი ყუთი“ აღმოაჩინეს.

„ბი ბი სი“-ს ცნობით, მეორე „შავი ყუთი“ იავანის ზღვაში ჩაძირული თვითმფრინავის ფრაგმენტების ქვეშ, 30 მეტრის სიღრმეზეა და მაშველები მის ამოღებას ამ დრომდე ცდილობენ.  

არსებული ინფორმაციით, ორივე „შავ ყუთს“  ლაინერ „AirAsia“-ს ჩაძირული კუდიდან 3,5 კილომეტრში მიაგნეს. რამოდენიმე საათის წინ, მაშველებმა პირველი „შავი ყუთი“ უკვე ამოიღეს და მისი შესწავლა მიმდინარეობს.

შეგახსენებთ, ინდონეზიის ქალაქ სურაბაიადან სინგაპურის მიმართულებით მფრინავი AirAsia-ს თვითმფრინავი 28 დეკემბერს გაუჩინარდა.

არსებული ინფორმაციით, ბორტზე 162 ადამიანი იმყოფებოდა, მათგან 155 – მგზავრი და ეკიპაჟის 7 წევრი. რეისი Airbus 320-200 ტიპის თვითმფრინავით სრულდებოდა. AirAsia-ს ბორტმა, ჯაკარტას საჰაერო სივრცის საკონტროლო პუნქტთან კავშირი, ადგილობრივი დროით, დილის 6 საათსა და 17 წუთზე დაკარგა.

პილოტმა საკონტროლო პუნქტთან უკანასკნელი კავშირისას რთული მეტეოროლოგიური პირობების გამო, მარშრუტის შეცვლა ითხოვა, რის შემდეგაც მასთან კონტაქტი გაწყდა.

გარდაცვლილთა ზუსტი რაოდენობა ამ დრომდე უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა მელიამ მტკიცებულებები უდაო გახადა - საქმე დასკვნით ეტაპზე გადავიდა

ქარტია მოუწოდებს კომუნიკაციების ეროვნულ კომისიას, არ იქცეს ცენზორად!

თიბისი კაპიტალმა მაკროეკონომიკური განახლება გამოაქვეყნა

მოსკოვის მექანიზმის ანგარიშის ავტორი: ოცნების რეაქცია განსაკუთრებით მტრულია