პრემიერი: ხარჯების 30%-ით შემცირება უპასუხისმგებლობაა, რაზეც არ წავალთ

2016-12-15 10:04:33, 1075 ნახვა

პოლიტიკა

საქართველოს პრემიერ-მინისტრის გიორგი კვირიკაშვილის განცხადებით, ხარჯების 30% შემცირება უპასუხისმგებლო მიდგომაა, რასაც არ გააკეთებე.

მისივე თქმით, სახელმწიფო ამცირებს ხარჯებს იმ დონეზე, რა დონეზეც ეს ჯანსაღი განვითარების დინამიკას შეანარჩუნებინებს:

„საქართველო იწყებს ძალიან მნიშვნელოვანი განვითარების პროცესს. ეს პროცესი მარტივიც არ იქნება, მაგრამ იქნება გზა, რომელიც საქართველოს ეკონომიკას გააჯანსაღებს, საქართველოს ჩაანეყებს განვითარებული აღმოსავლეთ-ევროპული ქვეყნების რიგში და საქარტველოს მოსახლეობას აღარ ექნება პრობლემები, რაზეც დღეს ვსაუბრობთ. ყველა ნაბიჯი, რმოელსაც ვდგამთ, აქეთკენაა მიმართული. ჩვენ გვაქვს ამ პროცესზე სრული პასუხისმგებლობა და მინდა, კიდევ ერთხელ მოვუწოდო ცვენს ყველა თანამოქალაქეს, რომ ამ პროცესს შეხედოს ჯანსაღი თვალით. იცოდეს, რომ სახელმწიფოს დგამს იმ ნაბიჯებს და ჩვენ ვაკეთებთ 10%-იან ოპტიმიზაციას. რა თქმა უნდა, ის, რაც გვესმის, რომ 30%-ით შეამცირეთ ხარჯებიო, მათემატიკურად ეს შესაძლებელია, მაგრამ ეს არის აბსოლუტურად უპასუხისმგებლო მიდგომა, რომელზეც არავითარ შემთხვევაში არ წავალთ! ჩვენ ვამცირებთ ხარჯებს იმ დონეზე, რა დონეზეც ეს შეგვანარჩუნებინებს ჯანსაღი განვითარების დინამიკას და ასევე ვაკეთებთ საგადასახადო ლიბერალიზაციას იმ მიმართულებით, რომელიც ყველაზე მეტად აისახება ეკონომიკური ზრდის დინამიკაზე პოზიტიურად. ვაკეთებთ გადასახადების ზრდას იმ მიმართულებებზე, რომელსაც ყველაზე ნაკლები უარყოფითი ზეგავლენა ექნება ეკონომიკურ ზრდაზე. თითოეული ჩამონათვალიდან თითოეუული ნაბიჯი აქეთკენაა მიმართული, რომ მოხდეს ეკონომიკის სტრუქტურული გაჯანსაღება. ჩვენი სავაჭრო ბალანსი გაჯანსაღდეს, რომ ნაკლებად ვიყოთ დამოკიდებული უცხოური ვალუტის რყევებზე და ცვენმა მოსახლეობამ ერთხელ და სამუყდამოდ დაივიწყოს სავალუტო კურსი და შეხედოს მხოლოდ და მხოლოდ ფასთა დონის ცვლილებას და ინფლაციას. ეს არის ყველაფერი ის, რა პროცესშიც ვიმყოფებით. ის არ იქნება მარტივი, მაგრამ სრული პასუხისმგებლობით ვაცხადებ, ეს პროცესი არის ერთადერთი სწორი ამონახსნი იმ ამოცანისმ, რომელიც ჩვენს წინაშე დგას”,-აღნისნა გიორგი კვირიკაშვილმა.