გულახდილად გეტყვით, არასოდეს მივიღებდი ჯილდოს ვლადიმერ პუტინისგან, ვინაიდან ამით ამ ყასაბს, "კა-გე-ბე"-ს აგენტს სანდოობით აღვჭურავთ,  - ამის შესახებ ამერიკელმა სენატორმა ჯონ მაკკეინმა განაცხადა.

როგორც სენატორმა აღნიშნა, სახელმწიფო მდივნის პოსტზე წარდგენილი რექს ტილერსონისგან განსხვავებით, ის არასოდეს მიიღებდა რუსეთის პრეზიდენტისგან ვლადიმერ პუტინისგან ჯილდოს. მაკკეინის მტკიცებით, ტილერსონი უკრაინაში მომხდარი მოვლენების შემდეგ, შეეწინააღმდეგა რუსეთზე დაწესებულ სანქციებს.

„მე გამაჩნია ლეგიტიმური შეშფოთება ტილერსონთან დაკავშირებით. უკრაინაში მომხდარი მოვლენების შემდეგ ის შეეწინააღმდეგა რუსეთზე დაწესებულ სანქციებს. მას ძალიან ახლო ურთიერთობა გააჩნია ვლადიმერ პუტინთან. სხვათაშორის, ის ვლადიმერ პუტინმა დააჯილდოვა. ეს ძალიან მაშფოთებს“, - განაცხადა ჯონ მაკკეინმა.

მისივე განცხადებით, ზნეობასთან დაკავშირებულ კითხვებს იწვევს, როდესაც რუსეთისთვის სანქციების დაწესების წინააღმდეგ გამოდიხარ მას შემდეგ, რაც პუტინი უკრაინაში შეიჭრა.

„სიმართლე გითხრათ, სანქციების წინააღმდეგ გამოდიოდე მას შემდეგ, რაც ვლადიმერ პუტინი უკრაინაში შეიჭრა და მას ყირიმი წაართვა, ჩემში ეს იწვევს ზნეობასთან დაკავშირებულ კითხვებს“, - დასძინა ჯონ მაკკეინმა. 

ცნობისთვის, აშშ-ის ახალარჩეულმა პრეზიდენტმა დონალდ ტრამპმა აშშ-ის სახელმწიფო მდივნის თანამდებობაზე უმსხვილესი ნავთობკომპანია ExxonMobil-ის ხელმძღვანელი რექს ტილერსონი წარადგინა. ტილერსონს „პუტინის მეგობრად“ მოიხსენიებენ. 2013 წელს ტილერსონი რუსეთის პრეზიდენტმა, ვლადიმერ პუტინმა მეგობრობის ორდენით დააჯილდოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ