დიმიტრი ქუმსიშვილსა და გიგა ბოკერიას შორის სიტყვიერი დაპირისპირება მოხდა

2016-12-13 18:37:55, 1339 ნახვა

პოლიტიკა

ფინანსთა მინისტრ დიმიტრი ქუმსიშვილსა და „ნაციონალური მოძრაობის“ წევრ გიგა ბოკერიას შორის სიტყვიერი დაპირისპირება მოხდა.

უმცირესობის სხდომაზე, სადაც 2017 წლის ბიუჯეტის პროექტს განიხილავენ, გიგა ბოკერიამ პრემიერ-მინისტრი ჯერ ირაკლი ღარიბაშვილად, შემდეგ კი ბიძინა ივანიშვილად მოიხსენია და თქვა, რომ მისთვის მნიშვნელობა არ აქვს რომელია.

დიმიტრი ქუმსიშვილმა მას შეუსწორა, რომ ქვეყნის პრემიერ-მინისტრი გიორგი კვირიკაშვილია:

„ამაზე იქნებ დუმილის გარეშე მიპასუხოთ. თქვენ ხომ მეთანხმებით, რომ ამ ქვეყანაში მცხოვრები ადამიანების მნიშვნელოვან ნაწილს ძალიან უჭირს? გიჭირთ ამაზე კი-ს თქმა? თუ ჩემთვის პასუხის გაცემა რ გინდათ? ეთანხმებით თუარა თქვენს პრემიერ ირაკლი ღარიბაშვილს, ბოდიში, შემეშალა, რა მნიშვნელობა აქვს რომელია, ივანიშვილს, რომ ეკონომიკური განვითარების ამ ტემპით ეს ქვეყანა 100 წელი ევრ დაეწევა ევროკავშირის ყველაზე ღარიბ ქვეყანას? თქვენ გადასახადებს წევთ და ნაკლებ ფულს უტოვებთ ბიზნესს. წინასწარ რატომ არ უთხარით ამომრჩეველს, რომ აქციზის გაზრდას აპირებდით?“,-მიმართა ბოკერიამ დიმიტრი ქუმსიშვილს.

„პირველ რიგში მინდა, გაგახსენოთ, ბატონო გიგა, რომ ამ ქვეყნის პრემიერ-მინისტრი გახლავთ გიორგი კვირიკაშვილი, რომელიც არის ვაჟკაცი, ძლაიან კარგი კაცი, განათლებული, პატრიოტი, ქვეყნის მოსიყვარულე, მას აქვს კონკეტული პასუხისმგებლობები და არ არის არც ბატონი ირაკლი ღარიბაშვილი და არც ბიძინა ივანიშვილი“,-უპასუხა დიმიტრი ქუმსიშვილმა.

„შეურაცხყოფად მიიღეთ გვარი რომ შემეშალა ღარიბაშვილი, ივანიშვილი რომ ვუწოდე?რა შუაშია ეს, საკითხს დაუბრუნდით, პინგ-პონგში კიარ ვართ“,-მიმართა გიგა ბოკერიამ.