|
2016-12-12 16:32:37, 1138 ნახვა
პოლიტიკა
ვიქტორ დოლიძე საქართველოში შვედეთის სამეფოს ელჩს შეხვდა
საქართველოს მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ საქართველოში შვედეთის სამეფოს საგანგებო და სრულუფლებიან ელჩთან მარტინა ქვიქთან გაცნობითი შეხვედრა გამართა. შეხვედრაზე ვიქტორ დოლიძემ ხაზი გაუსვა საქართველოსა და შვედეთის სამეფოს შორის არსებულ პარტნიორულ ურთიერთობებს და მტკიცე ორმხრივი თანამშრომლობის შემდგომი გაღრმავების იმედი გამოთქვა. მხარეებმა შეხვედრაზე განიხილეს საქართველოს ევროპული და ევროატლანტიკური ინტეგრაციის აქტუალური საკითხები. სახელმწიფო მინისტრმა შვედეთის ელჩს ინფორმაცია მიაწოდა ასოცირების შესახებ შეთანხმების განხორციელების საკითხებზე და შეთანხმებით გათვალისწინებული ვალდებულებების შესასრულებლად საქართველოს მთავრობის ძალისხმევაზე. შვედეთის მხარემ მზადყოფნა გამოთქვა დახმარება გაუწიოს საქართველოს ევროკავშირთან ასოცირების შესახებ შეთანხმების განხორცილების პროცესში. შეხვედრაზე მხარეებმა ისაუბრეს სტრატეგიული კომუნიკაციის მნიშვნელობაზე და ამ მიმართულებით თანამშრომლობის გაღრმავება განიხილეს. საუბარი, ასევე, შეეხო აღმოსავლეთ პარტნიორობას და ევროკავშირთან სავიზო რეჟიმის ლიბერალიზაციას. შვედეთის ელჩმა კიდევ ერთხელ გამოხატა საქართველოს ევროპული და ევროატლანტიკური მისწრაფებებისადმი მხარდაჭერა და ხაზი გაუსვა ასოცირების შესახებ შეთანხმების ეფექტიანი განხორციელებისა და ევროკავშირთან სავიზო რეჟიმის ლიბერალიზაციის პროცესის დროულად დასრულების მნიშვნელობას. შეხვედრაზე ყურადღება გამახვილდა ქვეყნებს შორის ორმხრივ ფორმატში სხვადსხვა მიმართულებით განვითარებისთვის თანამშრომლობის გაძლიერებას. ვიქტორ დოლიძემ განსაკუთრებული მადლობა გადაუხადა შვედურ მხარეს საქართველოს ევროპული მისწრაფებების ურყევი მხარდაჭერისთვის. (NS)
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ოდესაში, რუსული სამხედრო თავდასხმის შედეგად 16 ადამიანი დაშავდა
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)