საქართველოს ბიზნესმენთა ფედერაცია განცხადებას ავრცელებს.

როგორც განცხადებაშია აღნიშნული, საქართველოს ბიზნესმენთა ფედერაცია მოითხოვს, რომ მოქალაქე ვანო ჩხარტიშვილმა და მასთან დაკავშირებულმა კომპანიებმა დაუბრუნონ ფედერაციას შენობა, რომელიც მათ მიერ  ამჟამად  არის დაკავებული და ამ მოთხოვნის საფუძველზე  მიმდინარეობს სასამართლო დავა.

„ამ მოთხოვნის და დავის მიზეზი გახდა შემდეგი გარემოებები:

2008 წელს, საქართველოს  ბიზნესმენთა ფედერაციის პრეზიდენტის - ბადრი პატარკაციშვილის გარდაცვალების შემდეგ  ვანო ჩხარტიშვილმა  ბიზნესმენთა ფედარაციას შესთავაზა ფედერაციის კუთვნილი შენობის დანგრევა და ახლის აშენება, შესაბამისი ფართის გადაცემი პირობით ახალ შენობაში .

2016 წლის დასაწყისში როდესაც ფედერაციის  ახალმა მმართველობამ მოითხოვა ვანო ჩხარტიშვილის კომპანიისაგან ხელშეკრულების პირობების შესრულება აღმოჩნდა, რომ ხელშეკრულების დადებიდან  8  წლის შემდეგ ვანო ჩხარტიშვილი არა თუ არ აპირებს სახელშეკრულებო პირობის შესრულებას, არამედ ხანდაზმულობის ვადაზე აპელირებით, უარს ამბობს შენობის უკან დაბრუნებაზეც .

ზემოთთქმულიდან გამომდინარე და იმის გამო რომ ხელშეკრულების დადებიდან 8 წლის შემდეგაც ხელშეკრულების პირობები შეუსრულებელები დარჩა, ფედერაცია გამოდის ხელშეკრულებიდან და ითხოვს შენობის უკან დაბრუნებას, სადაც ვანო ჩხარტიშვილი და მასთან დაკავშირებული კომპანიები მთელი ეს პერიოდი იმყოფებიან.

გვაქვს საფუძვლიანი ეჭვი, რომ სასამართლო დავის პერიოდში ვანო ჩხარტიშვილი აპირებს შენობის გასხვისებას.

ვაცხადებთ, რომ ჩვენ მოვითხოვთ ფედერაციის საკუთრების უფლების აღდგენას ზემოთხსენებულ შენობაზე რომელიც მდებარეობს ქ. თბილისში , გერგეთის ქ.3 -ში და აქედან გამომდინარე:

მოვუწოდებთ დაინტერესებულ პირებს, განსაკუთრებით ბატონ  ალექსანდრე მაშკევიჩს, რომლის ოფისიც ამჟამად იმყოფება ფედერაციის შენობაში, არ შეიძინონ ეს შენობა სასამართლო დავის დასრულებამდე“, - ნათქვამია განცხადებაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს