2016-12-07 14:10:45, 2595 ნახვა
ეკონომიკა
აუქციონზე 30 000 000 ლარის ღირებულების ფასიანი ქაღალდები გაიყიდა
ფინანსთა სამინისტროს სახაზინო ობლიგაციების აუქციონზე 30 000 000 ლარის ნომინალური ღირებულების 2-წლიანი ვადიანობის ფასიანი ქაღალდები გაიყიდა.
ეროვნული ბანკის ინფორმაციით, აუქციონში მონაწილეობა მიიღო ოთხმა კომერციულმა ბანკმა. მოთხოვნამ 52 500 000 ლარი შეადგინა. მინიმალური საპროცენტო განაკვეთი 7.300 პროცენტით, მაქსიმალური 7.990 პროცენტით, ხოლო საშუალო შეწონილი - 7.884 პროცენტით განისაზღვრა.
კუპონური განაკვეთი 6,750 პროცენტს შეადგენდა. ბანკის ცნობით, კუპონის გადახდა მოხდება წელიწადში ორჯერ, ყოველ ექვს თვეში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
