აჭარის  მთავრობის თავმჯდომარე ზურაბ პატარაძე გუშინ  საბავშვო კონცერტს "ერთმანეთისთვის" დაესწრო.

აჭარის მთავრობის პრესსამსახურის ინფორმაციით, საქველმოქმედო ხასიათის კონცერტი შეზღუდული შესაძლებლობების მქონე პირთა დაცვის საერთაშორისო დღესთან დაკავშირებით გაიმართა.

მათივე ცნობით, სახელმწიფო აკადემიური ანსამბლის საკონცერტო დარბაზში ჩატარებულ საქველმოქმედო კონცერტში მონაწილეობა მიიღეს სტუდია ,,ბასტი ბუბუმ'', ანსამბლებმა "გაზაფხული" და "ზღვის შვილები", წმინდა მატათა მოციქულის სახელობის გიმნაზია-პანსიონის ბენდმა "კალანდამ"და ანსამბლმა "ხარებამ".

კონცერტის მთავარი შემსრულებლები იყვნენ ბათუმის 26- საშუალო სკოლის ინკლუზიური სწავლების ცენტრის ბავშვები, რომელთა დახმარებით სხვადასხვა ინტეგრირებული ნომერი იქნა წარმოდგენილი. კონცერტი ცნობილ ბათუმელ მომღერალს სოფო ხალვაშს მიჰყავდა.

საქველმოქმედო საღამოს ფარგლებში საკონცერტო დარბაზის ჰოლში ინკლუზიური სწავლების ცენტრის აღსაზრდელების მიერ შექმნილი ხელნაკეთი ნივთებისა და ნახატების გამოფენა-გაყიდვა გაიმართა.

კონცერტზე შემოსული თანხა 26-ე საშუალო სკოლასთან არსებული ინკლუზიური თეატრალური დასის აღსაზრდელის -დავით ფუტკარაძისთვის ელექტრონული ეტლის შეძენისთვის იყო განკუთვნილი, თუმცა კონცერტის მსვლელობისას, წამყვანმა დამსწრე საზოგადოებას კომპანია "მეტროს" გადაწყვეტილება ამცნო, რომელიც დავით ფუტკარაძეს მთლიანად დაუფინანსებს ელექტრონული ეტლის შეძენას.

კონცერტზე შემოსული მთლიანი თანხა ინკლუზიური ცენტრის აღსაზრდელებისთვის სპეციალური მოძრავი კიბის შეძენას მოხმარდება, რომელიც ხელს შეუწყობს განსაკუთრებული საჭიროების მქონე ბავშვებს გაუადვილდეთ გადაადგილება არამარტო შენობებში, არამედ ექსკურსიებზე თუ სხვა გასვლით ღონისძიებებზე.

საბავშვო კონცერტის ინიციატორი და ორგანიზატორი ასოციაცია "ერთმანეთისთვის" ხელმძღვანელი სოფიო ბაკურიძე, ხოლო მხარდამჭერები აჭარის ავტონომიური რესპუბლიკის განათლების, კულტურისა და სპორტის სამინისტრო, ასევე აჭარის სიმღერისა და ცეკვის სახელმწიფო აკადემიური ანსამბლი იყო.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს