აჭარის ტურიზმის დეპარტამენტმა 2016 წლის აპრილ-ივნისში ჩატარებული უცხოელ ვიზიტორთა კვლევა გამოაქვეყნა.

როგორც „ექსპრესნიუსს“ აჭარის  ტურიზმისა და კურორტების დეპარტამენტიდან აცნობეს, კვლევის შედეგად, 909 უცხოელი ვიზიტორი საქართველოში არსებულ ყველა საბაჟო გამშვებ პუნქტზე, ქვეყნის დატოვებამდე გამოიკითხა.

მათივე ცნობით, კვლევის მიხედვით, აპრილი-ივნისის პერიოდში აჭარაზე პროცენტულად ყველაზე მეტი უცხოელი ვიზიტორი 45.4% ძირითადათ მეგობრებთან, 31,1% კი ინდივიდუალურად სტუმრობს.

 მათი უმრავლესობა კი რეგიონში საშუალოდ 2-3 ღამით რჩება.

„ერთი ტურისტის მთლიანი ვიზიტის ხარჯი აჭარაში საშუალოდ 1 059 ლარს შეადგენს. აღნიშნულ ციფრში შედის კვების, განთავსების, გართობისა და აჭარაში ყოფნისას განხორციელებული ყველა აქტივობის ხარჯი. მათ შორის საერთაშორისო და ადგილობრივი ტრანსპორტი, რომლითაც ვიზიტორმა აჭარაში ჩამოსვლამდე და რეგიონში ისარგებლა.

წინა კვლევების მსგავსად, 2016 წლის აპრილ-ივნისში ვიზიტორების უმრავლესობა აჭარაში ძირითადათ ღირსშესანიშნაობათა, ბუნებისა და ლანდშაფტების დასათვალიერებლად (55,7%) და აზარტული თამაშებისთვის (9,1%) ჩამოდის, თუმცა მათ მიერ რეგიონში ყოფნისას განხორციელებულ აქტივობებში აზარტულ თამაშებს მხოლოდ 0,2% უჭირავს, მაშინ როცა ეკოტურიზმით ტურისტების 90%, ღვინისა და გასტრონომიული ტურიზმით 38,64%, ხოლო კულტურული ტურიზმით 31,24 % ტურისტია დაკავებული.

კვლევის წინა სამი ეტაპის მსგავსად, გამოკითხულ ვიზიტორთა 72 % ძალიან კმაყოფილია რეგიონში დასვენებით.

ხოლო მათ 95% -ს სურვილი აქვს აჭარას ისევ ეწვიოს. ვიზიტორთა კმაყოფილების დონეს მნიშვნელოვნად განსაზღვრავს რეგიონის ისტორიულ-კულტურული მემკვიდრეობა (73%), სამზარეულო (68%), ღვინო (47%), ბუნება (89%) და უსაფრთხოების პირობები აჭარაში (80%).

„რაც შეეხება პრობლემებს, აჭარაში აპრილ-ივნისში მყოფი ტურისტებისთვის პრობლემების პროცენტული მაჩვენებელი შემცირებულია. პრობლემებს შორის უამინდობას 909 გამოკითხულოდან 1,03%, კონცერტის ორგანიზებასთან დაკავშირებულ პრობლემებს 1,25%, სასტუმროს მომსახურება/პირობებს 0,64% და საგზაო ინფრასტრუქტურას 0,42% უჭირავს.

მიუხედავად პრობლემების იდენტიფიცირებისა, გამოკითხულ ვიზიტორთა მხოლოდ 4%-მა შეძლო დაესახელებინა დამატებითი სერვისები, რომელთა ხილვასაც აჭარაში ისურვებდნენ. მათ შორის რეკომენდაციების სახით მოხვდა ბიბლიოთეკა ბათუმის ბოტანიკურ ბაღში (0,42%), რუსულენოვანი აუდიო გიდი (0,42%), დამატებითი ავიარეისები ბათუმის აეროპორტში (0,6%), დამატებითი ატრაქციონები პარკებში (0,6%), საერთო საპირფარეშოები ქალაქში (0,6%) და სავაჭრო ცენტრები (0.6%).“,-აცხადებენ აჭარის ტურიზმისა და კურორტების დეპარტამენტში.

აჭარის ტურიზმის დეპარტამენტი უცხოელ ვიზიტორთა კვლევას 2015 წლის აგვისტოდან ახორციელებს. კვლევის ყველა ეტაპის შედეგის ნახვა შესაძლებელია აჭარის ტურიზმის დეპარტამენტის ოფიციალურ ვებ -გვერდზე.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევი - ამ რეგიონში შემავალი ქვეყნები უნდა დარჩნენ ფოკუსირებულნი, მშვიდობაზე, სტაბილურობასა და უსაფრთხოებაზე

მოღალატევ, რუსების მონა - სააკაშვილი სასამართლო სხდომაზე ყოფილ პრემიერ ნოღაიდელს დაუპირისპირდა

აფგან სადიგოვი, პოლიციამ დააკავა

სააკაშვილი რაფალიანცის და ეროსი კიწმარიშვილის მკვლელობას ივანიშვილს უკავშირებს