საქართველოს იუსტიციის სამინისტროს მმართველობის სფეროში მოქმედ სსიპ „დანაშაულის პრევენციის ცენტრმა“ ახალგაზრდული პროგრამები ლაგოდეხშიც დაიწყო.

სსიპ „დანაშაულის პრევენციის ცენტრის“ წარმომადგენლებმა ადგილობრივი  სკოლების 30 მოსწავლეს ცენტრის საქმიანობა და პროგრამები/პროექტები გააცნეს. შეხვედრა ლაგოდეხის იუსტიციის სახლში გაიმართა.

მოსწავლეები სხვადასხვა აქტივობის საშუალებით პრეზენტაციის პროცესში ჩაერთნენ. პირველი ტრენინგი ადამიანის უფლებების შესახებ ჩატარდა. ახალგაზრდებს მიეწოდათ ინფორმაცია სამართლის ძირითად დარგებზე, ძირითად უფლებებსა და თავისუფლებებზე. მათ შორის იმსჯელეს სიცოცხლის უფლების, რწმენის და რელიგიის თავისუფლების, განათლების უფლების შესახებ.  თეორიული მასალის გარდა, მონაწილეები აქტიურად ჩაერთნენ გუნდური სავარჯიშოების შესრულებაში,  თემატური დოკუმენტური ვიდეორგოლების განხილვაში. ტრენინგის დასასრულს მონაწილეებს გადაეცათ სამართლის ადაპტირებული სახელმძღვანელო - „სამართლის ქალაქი“. ახალგაზრდული პროგრამების ფარგლებში, ლაგოდეხის ადგილობრივი სკოლების მოსწავლეებს შესაძლებლობა ექნებათ, მოისმინონ სამართლებრივი ლექცია/სემინარები, ტრენინგები არაფორმალური განათლების მიმართულებით; დაესწრონ საჯარო ლექციებს, წიგნის/კინო კლუბის შეხვედრებს, პროფესიული არჩევანის ფარგლებში შეხვდნენ ცნობილ და წარმატებულ ადამიანებს.

სსიპ „დანაშაულის პრევენციის ცენტრის“ ახალგაზრდული პროგრამები  ამჟამად უკვე 19 ქალაქში, იუსტიციის სახლებში მიმდინარეობს. ახალგაზრდული პროგრამების მიზანია 14 - დან 18 წლამდე ასაკის სკოლის მოსწავლეებში სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია და მოხალისეობრივი კულტურის განვითარების ხელშეწყობა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს