ჟურნალისტ კოკა ყანდიაშვილს გადაწყვეტილი არ აქვს, მიიღებს თუ არა მონაწილეობას საზოგადოებრივი მაუწყებლის გენერალური დირექტორის შესარჩევ კონკურსში.

როგორც ყანდიაშვილმა "ექსპრესნიუსს" განუცხადა, მაუწყებლის დირექტორის შესარჩევ კონკურსში მონაწილეობას აზრი იმ შემთხვევაში აქვს,  თუ მას ტელევიზიაში მუშაობის და ცვლილებების საშუალებას მისცემენ.

"იმაზე არ მიფიქრია მივიღებ თუ არა მონაწილეობას დირექტორის შესარჩევ კონკურსში. ზოგადად საზოგადოებრივ მაუწყებელზე კი მიფიქრია.  არ ვიცი საერთოდ რა ეშველება მაგ არხს და რა მომავალი აქვს. მანდ მისვლას აზრი იმ შემთხვევაში აქვს თუ საქმეს გაგაკეთებინებენ. თუ საქმეს არ გაგაკეთებინებენ რა აზრი აქვს. ამიტომ ეს ძალიან სერიოზულად მოსაფიქრებელია. ტელევიზიაში მიდიხარ რეალურად ძალიან დიდი შრომის ჩასატარებლად. ძალიან რთულია საზოგადოებრივ მაუწყებელში მუშაობა. ერთი რამ ვიცი ბევრი რამ უნდა გაკეთდეს",- განაცხადა კოკა ყანდიაშვილმა.

როგორც ცნობილია „საზოგადოებრივი მაუწყებლის“ გენერალური დირექტორი გიორგი ბარათაშვილი თანამდებობის დატოვებას აპირებს. „ექსპრესნიუსის“ ინფორმაციით, პარასკევს მან ბორდს უკვე მიმართა ხოლო საჯარო განცხადებას ორშაბათს გააკეთებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს