2016-11-18 19:46:39, 873 ნახვა

---

პარლამენტმა კომიტეტების შემადგენლობა და ფრაქციათა წარმომადგენლობის პროპორციული კვოტები დაამტკიცა

პარლამენტმა კომიტეტების შემადგენლობა და ფრაქციათა წარმომადგენლობის პროპორციული კვოტები დაამტკიცა.

პარლამენტის კომიტეტების ნაწილი 17 დეპუტატის შემადგენლობითაა წარმოდგენილი,  ნაწილში კი,  პარლამენტის წევრთა რაოდენობა  15-ს შეადგენს.

17 წევრიან კომიტეტებში ფრაქცია ”ქართული ოცნება”  წარმოდგენილი იქნება 10 წევრით, ”ქართული ოცნება - მრეწველები”- ერთი წევრით, ფრაქცია ”ნაციონალური მოძრაობა”- სამი წევრით, ფრაქცია ”ნაციონალური მოძრაობა - საქართველოს წინსვლისთვის - ერთი წევრით, ფრაქცია ”საქართველოს პატრიოტები”- ერთი წევრით. ხოლო პარლამენტის წევრი,  რომელიც არაა გაერთიანებული არც ერთ ფრაქციაში, ერთი წევრით.

რაც შეეხება 15 წევრიან  კომიტეტებს, აქ  ფრაქცია ”ქართული ოცნება” წარმოდგენილი იქნება 9 წევრით, ”ქართული ოცნება-მრეწველები”- ერთი წევრით, ფრაქცია ”ნაციონალური მოძრაობა”- ორი წევრით, ფრაქცია ”ნაციონალური მოძრაობა- საქართველოს წინსვლისთვის”- ერთი წევრით, ფრაქცია ”საქართველოს პატრიოტები”- ერთი წევრით. ასევე განსაზღვრულია ერთი ადგილი დამოუკიდებელი დეპუტატისთვის.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი