გლდანის რაიონის გამგეობამ შეჭირვებული ოჯახებისთვის შეშის დარიგება დაიწყო.

თბილისის მერიის ინფორმაციით,  რაიონის მასშტაბით, 100-მდე ოჯახს შეშა უკვე მიუტანეს.

"ვცდილობთ შეშა მოსახლეობას მაქსიმალურად ოპერატიულად მივაწოდოთ. 100-მდე ოჯახმა უკვე მიიღო შეშა. პროცესი გაგრძელდება და მომართვების საფუძველზე, შეშით სხვა ოჯახებიც ეტაპობრივად დაკმაყოფილდებიან’’, - განაცხადა გლდანის რაიონის გამგებელმა დიმიტრი ორმოცაძემ.

თვის ბოლომდე, მოთხოვნის შესაბამისად, შეშას გლდანში, მუხიანსა და ავჭალის დასახლებაში მცხოვრები 400-ზე მეტი ოჯახი მიიღებს.

შეჭირვებული ოჯახები გამგეობისგან სხვა სახის დახმარებებსაც იღებენ. კერძოდ, ხდება მათი მედიკამენტებით უზრუნველყოფა, უფინანსდებათ სამედიცინო გამოკვლევები, ოპერაციები და სხვა სახის მკურნალობა,  ხდება მათთვის ბინის ქირის კომპენსაცია.

გარდა ამისა, შეჭირვებულ ადამიანებს, რაიონის მასშტაბით, 9 უფასო სასადილოთი სარგებლობის შესაძლებლობაც აქვთ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს