„ამხელა ინვესტიციას აშენებდა დონალდ ტრამპი ბათუმში, თუმცა ხელისუფლებამ ყველაფერი გააჩერა“, - ამის შესახებ საქართველოს ყოფილმა პრეზიდენტმა მიხეილ სააკაშვილმა ინტერვიუში განაცხადა, რომელიც მისი Facebook-ის ოფიციალურ გვერდზეა გამოქვეყნებული.

როგორც სააკაშვილმა აღნიშნა, ტრამპი „აფერისტად“ გამოაცხადეს და მის საქმიანობას „ბლეფი“ უწოდეს.

” აშენებდა ეს კაცი ამხელა ინვესტიციას ბათუმში, თუმცა ეს ყველაფერი გააჩერეს, გამოაცხადეს ტრამპი საერთაშორისო აფერისტად და ეს ყველაფერი გამოაცხადეს ბლეფად. სამაგიეროდ, აზერბაიჯანელებმა რომ ნახეს, სასწრაფოდ გაქანდნენ უკვე არსებულ შენობაზე შეუთანხმდნენ, რომ დარქმეოდა ტრამპის სახელი, რომ ჩვენ არ ჩამოგვრჩენოდნენ. ჩვენ შეიძლებოდა ერთადერთი ქვეყანა ვყოფილიყავით, სადაც იქნებოდა აშშ-ის მოქმედი პრეზიდენტის პირდაპირი, ნოლიდან აშენებული ინვესტიცია. ახლა ვუყუროთ ”პანორამა თბილისს” და სხვა იმ მართლა აფერისტის განადგურებულ ადგილებს. მართლა გული გაგისკდება ადამიანს, ბოლომდე გაგვაბანძეს და გადაგვამტვრიეს ქვეყანა თავზე. გახსოვთ, ტრამპი ჩვენს ქებაში იყო ყველა არხზე მუდმივად. ჩემზე ბევრად უკეთესად იცოდა დასახელებები - მსოფლიოს პირველი რეფორმატორი, მეორე ყველაზე უსაფრთხო ქვეყანა, ყველაზე მიმზიდველი საინვესტიციო ქვეყანა და ა.შ. ძალიან ბევრჯერ, თვითონ მოუყოლია ამერიკის სხვადასხვა არხებზე საქართველოს მიღწევების შესახებ. არც ერთ ამერიკელს ასეთი ენთუზიაზმით საქართველოზე არასდროს ულაპარაკია”, - განაცხადა სააკაშვილმა.

მან კიდევ ერთხელ აღნიშნა, რომ ტრამპის გამარჯვება წინასწარ იცოდა. 

” ჩემ წიგნში რამდენიმე თვის წინ დავწერე, რომ ძალიან მაღალი ალბათობით გაიმარჯვებდა ტრამპი საპრეზიდენტო არჩევნებში მიუხედავად იმისა, რომ მაშინ ყველა გამოკითხვაში ჰილარი კლინტონი ლიდერობდა. ძალიან ცდება ის ხალხი, ვინც ტრამპს არ აფასებს. ტრამპი ძალიან ნიჭიერი და ჭკვიანი ადამიანია”, - განაცხადა მიხეილ სააკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ათასწლეულის ინოვაციის კონკურსის“ 10 ფინალისტი გუნდი გამოვლინდა. ლიბერთი, ბაზისბანკ ჯგუფი უკვე 5 წელია კონკურსის სტრატეგიული პარტნიორია

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები